ဧရာဝတီတိုင်းမ်
ဒီဇင်ဘာလ ၁၁ ရက်
ဧရာဝတီတိုင်းမှာ ဒီဇင်ဘာလ ၁၁ ရက်နေ့အတွင်း မိုးထစ်ချုံးရွာသွန်းနိုင်တယ်လို့ မိုးလေဝသနဲ့ ဇလဗေဒ ညွှန်ကြားမှုဦးစီးဌာနက သတိပေးထုတ်ပြန်ထားပါတယ်။
ဧရာဝတီတိုင်းအပါဝင် တနင်္သါရီတိုင်း၊ ရန်ကုန်တိုင်းနဲ့ ရခိုင်ပြည်နယ်၊ ကရင်ပြည်နယ်နဲ့ မွန်ပြည်နယ်တို့မှာ နေ့လည် ၁၂ နာရီမတိုင်ခင်အထိ မိုးထစ်ချုံးရွာသွန်းနိုင်တယ်လို့ သတိပေးပြောဆိုထားတာဖြစ်ပါတယ်။
မိုးထစ်ချုံးရွာသွန်းဖို့အတွက် ရာနှုန်း ၈၀ အထိရှိနေပြီး ကမ်းလွန်ပင်လယ်ပြင်တစ်လျှောက်မှာလည်း လှိုင်းအမြင့်ပေ ၅ ပေကနေ ၇ ကြားမြင့်တက်နိုင်တယ်လို့ ဆိုပါတယ်။
စစ်ကိုင်းတိုင်းဒေသကြီးအထက်ပိုင်း၊ ပဲခူးတိုင်းဒေသကြီး၊ ကချင်ပြည်နယ်၊ ရှမ်းပြည်နယ်(တောင်ပိုင်း)နဲ့ ချင်းပြည်နယ်တို့မှာ တိမ်အသင့်အတင့် ဖြစ်ထွန်းပြီး၊ ကျန်တိုင်းဒေသကြီးနဲ့ ပြည်နယ်တွေမှာ အများအားဖြင့် သာယာမယ်လို့ ထုတ်ပြန်ထားပါတယ်။
