ဧရာဝတီတိုင်းမ်
စက်တင်ဘာ ၁၄ ရက်
ဧရာဝတီတိုင်း၊ မအူပင်မြို့နယ်၊ ပန်းတောကျေးရွာတွင် ကျူရှင်သွားသည့် အသက် ၁၁ နှစ်အရွယ် ကျောင်းသူတစ်ဦး သတ်ဖြတ်ခံရပြီး ဝတ်ဆင်ထားသည့် ရွှေနားကွင်းပါ ဖြုတ်ယူခံခဲ့ရသည့် ဖြစ်စဉ်တစ်ခု စက်တင်ဘာ ၁၃ ရက် ညပိုင်းက ဖြစ်ပွားခဲ့သည်။
သေဆုံးသူမှာ ပန်းတောကျေးရွာနေ Grade-5 ကျောင်း သူ မဆောင်းနှင်းဖြူ (၁၁ နှစ်) ဖြစ်ပြီး ၎င်းသည် စက် တင်ဘာ ၁၃ ရက် ညနေ ၆ နာရီ မိနစ် ၃၀ခန့်က တစ်ရွာတည်းနေ ကျူရှင်ဆရာမ ဒေါ်ခင်မဉ္ဇူထံ ကျူရှင်သွားစဉ် ပျောက်ဆုံးသွားခဲ့ခြင်းဖြစ်ကြောင်း ဒေသခံများထံမှ သိရသည်။
၎င်းမှာ အိမ်သို့ ပြန်လည်ရောက်ရှိမလာသဖြင့် မိသား စုဝင်များနှင့် ရွာသားများက ဝိုင်းဝန်းရှာဖွေခဲ့ကြရာ ကျူရှင်ဆရာမအိမ်အနီး လယ်ကွင်းစပ်တွင် လည်ပင်း၌ အဝတ်စည်းလျက် သေဆုံးနေသည့် ရုပ်အလောင်းကို ညပိုင်း၌ ပြန်လည်တွေ့ရှိခဲ့ရခြင်းဖြစ် သည်။
အခင်းဖြစ်ပွားသည့်နေရာကို စစ်ဆေးစဉ် မဆောင်းနှင်းဖြူ ဝတ်ဆင်ထားသည့် နားကွင်းတစ်ရံ ပါသွားသည်ကို တွေ့ရှိရသဖြင့် လုယက်သတ်ဖြတ်ခံရခြင်းဖြစ်နိုင်ကြောင်း ဒေသခံများက ပြောသည်။ လက်ရှိတွင် သေဆုံးသူ၏ ရုပ်အလောင်းအား မအူပင်မြို့နယ် ပြည်သူ့ဆေးရုံကြီးသို့ ပို့ဆောင်ထားသည်။
