ဧရာဝတီတိုင်းမ်
ဩဂုတ် ၂၈ ရက်
မလေးရှားရောက် မြန်မာဒုက္ခသည် ၁,၅၀၀ ကို စက်တင်ဘာ ၂၉ ရက်မှာ နေရပ်ပြန်ပို့ဖို့ မလေးရှား အစိုးရက ပထမအဆင့် စီစဉ်လိုက်ပြီလို့ သိရပါတယ်။
ဒေသခံတွေနဲ့ တင်းမာမှုတွေ ရှိလာလို့ ရိုဟင်ဂျာ ဒုက္ခသည် ၅,၀၀၀ ကို ပြန်လက်ခံဖို့ မလေးရှား ဝန်ကြီးချုပ်နဲ့ မြန်မာရွေးတုအစိုးရတို့ ဇူလိုင်လတည်းက သဘောတူထားတာပါ။
ရိုဟင်ဂျာဒုက္ခသည်တွေကို မြန်မာစစ်ရေယာဉ် ၂ စီးနဲ့ ဆေးရုံသင်္ဘော ၁ စီးကို အသုံးပြုပြီး ပြန် လည်ခေါ်ဆောင်မှာ ဖြစ်ပါတယ်။
ဒုက္ခသည် ၄,၀၀၀ ကျော်ကိုတော့ ဒုက္ခသည်မှတ်ပုံတင် စာရွက်စာတမ်း (DPP) ထုတ်ပေးမှာဖြစ်ပြီး ကျန်တဲ့ ၅,၀၀၀ ကိုတော့ သဘောတူညီချက်အတိုင်း မလေးရှားကနေ ပြန်ပို့မယ်လို့ သိရပါတယ်။
ဩဂုတ်လလယ်အထိ မလေးရှား ထိန်းသိမ်းရေးစခန်းတွေမှာ မြန်မာနိုင်ငံသား ၁၀,၀၀၀ ကျော် ရှိ နေပြီး အားလုံးဟာ ဒုက္ခသည်တွေ မဟုတ်ကြပါဘူး။
ထိန်းသိမ်းရေးစခန်းတွေက မြန်မာနိုင်ငံသားတွေရဲ့ ကိုယ်ရေးရာဇဝင်နဲ့ ဒုက္ခသည် ဟုတ်မဟုတ်ဆို တာကို မလေးရှား ရဲနဲ့ လူဝင်မှုကြီးကြပ်ရေးတို့က နှစ်မကုန်ခင် အပြီး စိစစ်နေပါတယ်။
မြန်မာနိုင်ငံမှာ အသက်အန္တရာယ် ရှိနိုင်ရင် ဒုက္ခသည် ၅,၀၀၀ ကို မလေးရှားက ပြန်ပို့မှာ မဟုတ် ဘူးလို့ မလေးရှား ပြန်ကြားရေးဝန်ကြီးက ပြောထားပါတယ်။
လူ့အခွင့်အရေးအဖွဲ့တွေက မြန်မာနိုင်ငံမှာ စစ်ရာဇဝတ်မှုတွေ ဆက်ဖြစ်နေလို့ ဒုက္ခသည်တွေ နေ ရပ်ပြန်ဖို့ ဘေးကင်းတဲ့ အနေအထား မဟုတ်သေးဘူးလို့ သတိပေးထားပါတယ်။
မလေးရှားဟာ ၁၉၅၁ ကုလသမဂ္ဂ ဒုက္ခသည်များဆိုင်ရာ သဘောတူညီချက်မှာ မပါဝင်ပေမဲ့ ဒုက္ခ သည် ၂ သိန်းကျော်ကို လက်ခံစောင့်ရှောက်ထားတဲ့ နိုင်ငံပါ။
ရိုဟင်ဂျာတွေဟာ မြန်မာနိုင်ငံမှာ နှစ်ပေါင်းများစွာ နေထိုင်ခဲ့ကြပေမဲ့ တိုင်းရင်းသားအဖြစ် အသိ အမှတ်ပြု မခံရတာကြောင့် ကမ္ဘာ့အကြီးဆုံး နိုင်ငံမဲ့အသိုင်းအဝန်း ဖြစ်နေပါတယ်။
ကိုးကား – Reuters
Ref; Malaysia to return 1,500 Rohingya refugees next month, despite safety fears
