ဧရာဝတီတိုင်းမ်
မေ ၁ ရက်
အမေရိကန်သမ္မတ ဒေါ်နယ်ထရမ့်က ဂျာမနီဝန်ကြီးချုပ် ဖရိုင်းဒရစ်မာ့ဇ်အပေါ် ဝေဖန်မှုတွေ ပိုမို ပြင်းထန်စွာ ပြုလုပ်လာခဲ့ပြီး ၎င်းရဲ့ အီရန်အရေး ချဉ်းကပ်ပုံအပေါ် မှတ်ချက်ပေးခြင်းထက် မိမိနိုင်ငံတွင်း ပြဿနာတွေနဲ့ ရုရှား-ယူကရိန်း စစ်ပွဲကိုသာ အာရုံစိုက်ဖို့ ပြောကြားလိုက်ပါတယ်။
ဒေါ်နယ်ထရမ့်က လူမှုကွန်ရက်စာမျက်နှာမှတစ်ဆင့် ဖရိုင်းဒရစ်မာ့ဇ်ကို ထပ်မံတိုက်ခိုက်ခဲ့ပြီး အီ ရန်ရဲ့ နူကလီးယား ရည်မှန်းချက်တွေကို ကိုင်တွယ်ဖြေရှင်းဖို့ အမေရိကန်ရဲ့ ကြိုးပမ်းအားထုတ်မှုတွေကို မာ့ဇ်က ဝင်ရောက်စွက်ဖက်နေတယ်လို့ စွပ်စွဲလိုက်ပါတယ်။
အီရန်နဲ့ ဆွေးနွေးမှုတွေမှာ အမေရိကန်အစိုးရဟာ အီရန်ရဲ့ အကွက်ရွှေ့မှုတွေအောက်မှာ အသာစီး အယူခံလိုက်ရတယ်လို့ ဖရိုင်းဒရစ်မာ့ဇ်ရဲ့ မကြာခင်က ပြောကြားချက်အပေါ် ဒေါ်နယ်ထရမ့်က စိတ်အ နှောင့်အယှက် ဖြစ်ခဲ့ရပါတယ်။
“ဂျာမနီဝန်ကြီးချုပ်အနေနဲ့ လုံးဝထိရောက်မှုမရှိတဲ့ ရုရှား-ယူကရိန်းစစ်ပွဲ အဆုံးသတ်ရေးနဲ့ ပျက် စီးယိုယွင်းနေတဲ့ သူ့နိုင်ငံရဲ့ ပြဿနာတွေ၊ အထူးသဖြင့် လူဝင်မှုကြီးကြပ်ရေးနဲ့ စွမ်းအင်ကိစ္စရပ်တွေကို ပြု ပြင်ဖို့အတွက်ပဲ အချိန်ပိုပေးသင့်ပါတယ်။ ကမ္ဘာကြီးနဲ့ ဂျာမနီနိုင်ငံကိုပါ ပိုမိုဘေးကင်းလုံခြုံတဲ့နေရာဖြစ် အောင် အီရန်ရဲ့ နူကလီးယားခြိမ်းခြောက်မှုကို ဖယ်ရှားပေးနေသူတွေရဲ့ကိစ္စမှာ ဝင်ရောက်စွက်ဖက်နေ မယ့်အစား အဲဒီအချက်တွေကိုပဲ ပိုပြီးအာရုံစိုက်သင့်ပါတယ်” လို့ ဒေါ်နယ်ထရမ့်က ပြောပါတယ်။
“အမေရိကန်ကိုယ်စားလှယ်အဖွဲ့ကို အစ္စလာမ်မာဘတ်မြို့အထိ လာရောက်စေပြီး ဘာရလဒ်မှမ ထွက်ဘဲ ပြန်လွှတ်လိုက်တာဟာ နိုင်ငံတစ်ခုလုံးကို အီရန်ခေါင်းဆောင်ပိုင်း၊ အထူးသဖြင့် တော်လှန်ရေးအ စောင့်တပ်ဖွဲ့လို့ ခေါ်တဲ့သူတွေက အရှက်ခွဲနေတာပဲဖြစ်တယ်” လို့ ဖရိုင်းဒရစ်မာ့ဇ်က ဆိုပါတယ်။
ဒေါ်နယ်ထရမ့်က အင်္ဂါနေ့မှာ Truth Social လူမှုကွန်ရက်စာမျက်နှာမှတစ်ဆင့် ပြန်လည်တုံ့ပြန် ရာမှာ ဖရိုင်းဒရစ်မာ့ဇ်ဟာ အီရန်အနေနဲ့ နူကလီးယားလက်နက် ပိုင်ဆိုင်တာဟာ ပြဿနာမရှိဘူးလို့ ထင်နေသူဖြစ်တယ်လို့ ရေးသားခဲ့ပါတယ်။
“သူဘာတွေပြောနေလဲဆိုတာ သူကိုယ်တိုင်တောင် သိပုံမရပါဘူး။ အကယ်၍ အီရန်သာ နူကလီး ယားလက်နက် ပိုင်ဆိုင်သွားမယ်ဆိုရင် ကမ္ဘာတစ်ခုလုံးဟာ ဓားစာခံဖြစ်သွားပါလိမ့်မယ်။
အခြားနိုင်ငံတွေ ဒါမှမဟုတ် အခြားသမ္မတတွေ လွန်ခဲ့တဲ့အချိန်အတော်ကြာကတည်းက လုပ်ဆောင်သင့်ခဲ့တဲ့ အီရန်အရေး ကိစ္စကို အခုအချိန်မှာ ကျွန်တော် ကိုယ်တိုင်လုပ်ဆောင်နေတာဖြစ်ပါတယ်” လို့ ၎င်းက ဆိုပါတယ်။
ကိုးကား – India Today
Ref; Trump attacks Germany Chancellor again over Iran, says fix your country first
