ဧရာဝတီတိုင်းမ်
အောက်တိုဘာ ၄ ရက်
ဖြုတ်ချခံ လူထုခေါင်းဆောင် ဒေါ်အောင်ဆန်းစုကြည်ရဲ့သား ကင်အဲရစ်ဟာ မိခင်ဖြစ်သူကို လွှတ် ပေးရေး မြန်မာစစ်ကော်မရှင်ကို တိုက်တွန်းဖို့ တရုတ်သမ္မတ ရှီကျင့်ဖျင်ကို တောင်းဆိုလိုက်ပါတယ်။
ရှည်လျားသော ဆက်ဆံရေးသမိုင်းကြောင်းနဲ့ မြန်မာနိုင်ငံမှာ များပြားသော ရင်းနှီးမြှုပ်နှံမှုတွေ ကြောင့် တရုတ်ဟာ ပြည်ပတိုင်းပြည်တွေအနက် စစ်ကော်မရှင်အပေါ် သြဇာလွှမ်းမိုးမှုအရှိဆုံးနိုင်ငံလို့ ၎င်းက ဆိုပါတယ်။
“မေမေ့ကို လွှတ်ပေးဖို့နဲ့ လွှတ်ပေးသင့်သူတွေကို လွှတ်ပေးရေး မြန်မာစစ်ကော်မရှင်အပေါ် ဖိ အားပေးဖို့ ကျွန်တော် သမ္မတ ရှီကျင့်ဖျင်ကို မေတ္တာရပ်ခံပါတယ်” လို့ သူက ပြောပါတယ်။
“ကျွန်တော့်သတင်းရင်းမြစ်တွေ ပြောကြားချက်အရ မေမေ့ကို လွှတ်ပေးဖို့ တရုတ်နိုင်ငံက တောင်းဆိုနေပါတယ်။ တရုတ် တာဝန်ရှိသူတွေက မေမေ့ကို တွေ့ဆုံလိုပြီး တွေ့ခွင့်ရဖို့ တောင်းဆိုနေပါ တယ်” လို့ ကင်အဲရစ်က ဆက်ပြောပါတယ်။
“ကျွန်တော် သတိထားမိသလောက် အခြားသူတွေလိုပဲ တရုတ် တာဝန်ရှိသူတွေကို မေမေနဲ့ တွေ့ ဆုံခွင့်မပြုသေးပါဘူး” လို့ ၎င်းက ဆိုပါတယ်။
အကျဉ်းထောင်ပြင်ပမှ တစ်စုံတစ်ယောက်က ဒေါ်အောင်ဆန်းစုကြည်ကို တွေ့ဆုံနိုင်ရေး ကြိုးပမ်း ဖို့နဲ့ သူ အသက်ရှင်နေသေးတယ်ဆိုတာကို တစ်စုံတစ်ယောက်က အတည်ပြုဖို့ ကင်အဲရစ်က တောင်းဆိုခဲ့ ပါတယ်။
“ကျွန်တော့်မေမေ ထောင်ထဲ သေဆုံးသွားမှာကို ကျွန်တော် တစ်ချိန်လုံး စိုးရိမ်နေပါတယ်။ အ ကျဉ်းထောင်တွင်း အခြေအနေတွေဟာ အလွန်ဆိုးရွားပါတယ်” လို့ သူက ပြောပါတယ်။
ဒေါ်အောင်ဆန်းစုကြည် ဆက်ပြီး အကျဉ်းချခံရရင် သို့မဟုတ် ထောင်တွင်း သေဆုံးသွားရင် မြန် မာပဋိပက္ခ ပိုဆိုးလားမယ်လို့ အမျိုးသားညီညွတ်ရေးအစိုးရ (NUG) က ပြောပါတယ်။
ကိုးကား – South China Morning Post
Ref; Aung San Suu Kyi’s son seeks China’s help to secure her release from Myanmar jail
