ဧရာဝတီတိုင်းမ်
ဩဂုတ် ၃၁ ရက်
ထိုင်ဝမ် ထိပ်တန်းသံတမန် မနီလာမြို့တော်သို့ သွားရောက်ခဲ့တယ်ဆိုတဲ့ သတင်းတွေ ထွက်ပေါ် ပြီးနောက် တရုတ်ရဲ့ မကျော်ဖြတ်ရမယ့်စည်းကို နင်းခြေတဲ့အတွက် ဖိလစ်ပိုင်နိုင်ငံဟာ တန်ဖိုးကြီးကြီး ပေးဆပ်ရမယ်လို့ တရုတ်နိုင်ငံက သောကြာနေ့မှာ သတိပေးခဲ့ပါတယ်။
“တရုတ်ရဲ့ မကျော်ဖြတ်ရမယ့်စည်းကို နင်းခြေတဲ့ ဖိလစ်ပိုင်နိုင်ငံဟာ တန်ဖိုးကြီးကြီး ပေးဆပ်ရ ပါမယ်။ အကျိုးဆက်အားလုံးကို ဖိလစ်ပိုင်နိုင်ငံက တာဝန်ယူရပါမယ်” လို့ တရုတ် နိုင်ငံခြားရေးဝန်ကြီး ဌာနမှ ပြောရေးဆိုခွင့်ရှိသူ Guo Jiakun က ထုတ်ပြန်ချက်တစ်ခုအတွင်း ပြောပါတယ်။
ထိပ်တန်း ထိုင်ဝမ်သံတမန် လင်ချီလန်အား မနီလာမြို့သို့ လည်ပတ်ခွင့်ပြုခြင်းအားဖြင့် ဖိလစ် ပိုင်က တရုတ်ဆန့်ကျင်ရေးမှာ ပါဝင်လာခဲ့ပြီး နိုင်ငံတကာဆက်ဆံရေးမှာ အခြေခံစံနှုန်းတွေနဲ့ ထိုင်ဝမ်အ ရေး ဖိလစ်ပိုင်ရဲ့ ကတိကဝတ်ကို ချိုးဖောက်ခဲ့တယ်လို့ သူက ဆိုပါတယ်။
လင်ချီလန်ရဲ့ ဖိလစ်ပိုင်ခရီးစဉ်ကို ထိုင်ဝမ်က တရားဝင် မပြောခဲ့ပေမယ့် စီးပွားရေး ကိုယ်စား လှယ်အဖွဲ့ ဖိလစ်ပိုင်သို့ လည်ပတ်နေတယ်လို့ ထုတ်ပြန်ပါတယ်။
ဖိလစ်ပိုင်ရဲ့ ထိုင်ဝမ်အရေးတွေမှာ ရန်လိုသောလုပ်ရပ်တွေက နှစ်နိုင်ငံဆက်ဆံရေးမှာ အန္တရာယ် ဖြစ်စေခဲ့တယ်လို့ Guo Jiakun က ဆက်ပြောပါတယ်။
“ထိုင်ဝမ်ဟာ တရုတ်ပိုင်နက် တစ်စိတ်တစ်ပိုင်းဖြစ်တာကြောင့် တရုတ်တစ်နိုင်ငံတည်းမူဝါဒကို လိုက်နာဖို့ ဖိလစ်ပိုင်ကို တိုက်တွန်းပါတယ်” လို့ ၎င်းက ပြောပါတယ်။
“တရုတ်ရဲ့ အကျိုးစီးပွားနဲ့ပတ်သက်တဲ့ကိစ္စရပ်တွေမှာ မီးနဲ့ကစားတာ ရပ်ပါ။ ထိုင်ဝမ် လွတ်လပ် ရေး ခွဲထွက်ရေးအဖွဲ့တွေနဲ့ ပူးပေါင်းတာရပ်ပါ” လို့ သူက ဆိုပါတယ်။
ကိုးကား – Anadolu
Ref; China warns Philippines of ‘price to pay for trampling red line’ over Taiwan
