NUG နဲ့ ထိတွေ့ဆက်ဆံခြင်းဖြင့် မြန်မာပြည်သူတွေနဲ့ အတူရပ်တည်ဖို့ နိုင်ငံတကာအသိုင်းအဝိုင်းကို ကန်သံအမတ်ဟောင်း တိုက်တွန်း
ဧရာဝတီတိုင်းမ်
သြဂုတ်လ ၂၇ ရက်
ဒီမိုကရေစီ တက်ကြွလှုပ်ရှားသူလေးဦးကို ကြိုးပေးကွက်မျက်တာဟာ စစ်တပ် အကြီးတန်းခေါင်းဆောင် တွေကြား ခံနိုင်ရည်မရှိတာကို ပြသနေတဲ့ ကြောက်ရွံ့တုန်လှုပ်မှုတစ်ခုဖြစ်တယ်လို့ မြန်မာနိုင်ငံဆိုင်ရာ အမေရိ ကန် သံအမတ်ဟောင်း ဒါးရက်မစ်ချယ်က NHK သတင်းဌာနဲ့ တွေ့ဆုံမေးမြန်းမှုတစ်ခုအတွင်း ပြောပါတယ်။
မြန်မာစစ်တပ်ရဲ့ လုပ်ဆောင်ချက်တွေက သူတို့ရဲ့အတွေးမှာ နစ်ဝင်နေတဲ့ စိတ်ခံစားမှုအရ လုပ်ဆောင် တယ်ဆိုတာ ဖော်ပြနေတယ်လို့ ဒါးရက်မစ်ချယ်က ပြောပါတယ်။
အာဏာသိမ်းမှုအတွင်း ဖြုတ်ချခံရတဲ့ လွှတ်တော်အမတ်တွေနဲ့ ဖွဲ့စည်းထားတဲ့ အမျိုးသားညီညွတ်ရေး အစိုးရ (NUG) နဲ့ ထိတွေ့ဆက်ဆံခြင်းအားဖြင့် မြန်မာပြည်သူတွေနဲ့ အတူရပ်တည်ဖို့ ၄င်းက နိုင်ငံတကာအသိုင်း အဝိုင်းကို တောင်းဆိုလိုက်ပါတယ်။
“မြန်မာပြည်သူတွေရဲ့ဆန္ဒကို ကိုယ်စားပြုတဲ့ NUG ရှိတာကြောင့် ကျွန်တော်တို့ရဲ့အလုပ်က မြန်မာပြည် သူတွေနဲ့အတူ ရပ်တည်ရမှာဖြစ်ပါတယ်” လို့ သူက ဆိုပါတယ်။
အမေရိကန်နဲ့ဂျပန်လိုမျိုး တိုင်းပြည်တွေက အာဏာသိမ်းစစ်ကောင်စီနဲ့ ထိတွေ့ဆက်ဆံရာမှာ ချည်းကပ် ပုံနည်းလမ်း ပြောင်းလဲဖို့ လိုအပ်တယ်လို့ ၄င်းက ပြောပါတယ်။
“အမေရိကန်က ဒဏ်ခတ်အရေးယူပေမယ့် ဂျပန်က မြန်မာနိုင်ငံမှာ ရင်းနှီးမြှုပ်နှံမှုတွေ ပြုလုပ်နေပြီး အိန္ဒိယကတော့ တရုတ်ကို ချိန်ခွင်လျှာညှိဖို့ ကြိုးပမ်းနေတာ ဘာရလဒ်မှ ရရှိမှာမဟုတ်ပါဘူး” လို့ သူက ဆိုပါ တယ်။
ဂျပန်နိုင်ငံရဲ့ မြန်မာနဲ့ သမိုင်းကြောင်းနဲ့ ယဉ်ကျေးမှုဆိုင်ရာ ဆက်ဆံမှုကြောင့် မြန်မာ့အရေး ကိုင်တွယ် ရာမှာ ဂျပန်က အရေးပါတဲ့အခန်းကဏ္ဍကနေ ပါဝင်နေတယ်လို့ မစ်ချယ်က ထောက်ပြပါတယ်။
ဂျပန်ကာကွယ်ရေးဝန်ကြီးဌာနက မြန်မာစစ်ဘက်အရာရှိတွေကို သင်တန်းသားအဖြစ် လက်ခံပေးနေတာ ရပ်တန့်ရမယ်လို့ သူက ဆိုပါတယ်။ “သက်ညှာခွင့်ရရှိနေပြီး ကိုယ့်ပြည်သူတွေကို ပြန်သတ်နေတဲ့ စစ်တပ်နဲ့ ထိ တွေ့ဆက်ဆံမှု မလုပ်သင့်ပါဘူး” လို့ မစ်ချယ်က ပြောပါတယ်။
မြန်မာနိုင်ငံမှာ ဒီမိုကရေစီ ကပြောင်းကပြန်ဖြစ်တာ ပထဝီနိုင်ငံရေးနဲ့ စီးပွားရေးအရ စိုးရိမ်စရာမဟုတ် ပေမယ့် တိုင်းပြည်ရဲ့အနာဂတ်ကို ဖျက်ဆီးပစ်တာပဲဖြစ်တယ်လို့ မစ်ချယ်က ပြောပါတယ်။
ကိုးကား – NHK
Ref; Reversal of democracy in Myanmar
