ဧရာဝတီတိုင်းမှာ ၂ ရက်အတွင်း မိုးပိုများလာမည်
ဧရာဝတီတိုင်းမ်
ဩဂုတ်လ ၂၂ ရက်
ဧရာဝတီတိုင်းဒေသကြီးမှာ နောက် ၂ ရက်အတွင်း မိုးရွာသွန်းမှုပိုများလာမယ်လို့ မိုးလေဝသနဲ့ဇလဗေဒညွှန်ကြားမှုဦးစီးဌာနက ခန့်မှန်းထားပါတယ်။
သြဂုတ်လ ၂၂ ရက်နေ့ မနက်ပိုင်းထုတ်ပြန်ချက်ထဲမှာ ဧရာဝတီတိုင်း အပါဝင် တိုင်းနဲ့ပြည်နယ် ၈ ခုမှာ မိုးပိုများလာမယ်လို့ ခန့်မှန်းပြောဆိုထားတာပါ။
” မိုးကအဆက်မပြတ်ရွာနေတာ ဒီနှစ်မိုးကောင်းတယ်လို့ ပြောလို့ရတယ် အနိမ့်ပိုင်းတွေတော့ရေဝင်နေပြီ လေမပါတော့ သိပ်တော့ ထွေထွေထူးထူးဖြစ်တာမရှိဘူး”
လို့ ပုသိမ်မြို့ခံပြည်သူတဦးက ပြောပါတယ်။
ဧရာဝတီတိုင်းဒေသကြီးမြို့နယ်အချို့မှာ ဩဂုတ်လ ၂၂ ရက်နေ့ အတွင်း နေရာကွက်ပြီး မိုးကြီးတာတွေရှိနိုင်တယ်လို့ သတင်းထုတ်ပြန်ထားပါတယ်။
ပြီးခဲ့တဲ့အပတ်က မိုးကြီးပြီး လေပြင်းတိုက်ခိုက်မှုကြောင့် ဧရာဝတီတိုင်းမှာ အိမ်ခြေအနည်းဆုံး ၂၀၀ ခန့် အမိုးလန်ပျက်စီး တာတွေဖြစ်ပေါ်ခဲ့တယ်လို့ သိရပါတယ်။
#AyeyarwaddyTimes
