ဧရာဝတီတိုင်းမ်
အောက်တိုဘာ ၃၀ ရက်
နေပြည်တော်သို့သွားရောက်ကာ အာဏာသိမ်းစစ်ခေါင်းဆောင်နဲ့ တွေ့ဆုံခဲ့တယ်လို့ ကုလသမဂ္ဂ အထူးကိုယ်စားလှယ် ဂျူလီဘီးရှော့ပ်က ကုလသမဂ္ဂ အစည်းအဝေးတစ်ခုမှာ ပြောပါတယ်။
မြန်မာနိုင်ငံမှ သက်ဆိုင်သူတွေဟာ ပြည်တွင်းပဋိပက္ခကို ဖြေရှင်းနိုင်မယ့် အဖြေရှာဖို့ အကျိုးအ မြတ်မရှိသောစိတ်ဓာတ်ကို ဖယ်ရှားကြဖို့ တိုက်တွန်းခဲ့တယ်လို့ သူက ဆိုပါတယ်။
ပြန်လည်ရင်ကြားစေ့ရေး နည်းလမ်းတိုင်းက အကြမ်းဖက်မှု အဆုံးသတ်ဖို့၊ တာဝန်ခံဖို့၊ ကုလသ မဂ္ဂနဲ့ အကူအညီပေးရေးအဖွဲ့တွေ ဝင်ခွင့်ပြုဖို့ လိုအပ်တယ်လို့ ၎င်းက ပြောပါတယ်။
“ကျွန်မ နေပြည်တော်ကို သွားရောက်ခဲ့ပြီး ဗိုလ်ချုပ်မှူးကြီး မင်းအောင်လှိုင်နဲ့ တွေ့ဆုံခဲ့ပါတယ်” လို့ လျှို့ဝှက်ခရီးစဉ်နဲ့ပတ်သက်လို့ ဂျူလီဘီးရှော့ပ်က အသေးစိတ်မဖော်ပြဘဲ ပြောပါတယ်။
၎င်းက ဘယ်အချိန်မှာ နေပြည်တော်ကို သွားရောက်ပြီး စစ်ခေါင်းဆောင်နဲ့ တွေ့ဆုံခဲ့တယ်ဆို တာ ရှင်းလင်းစွာ မသိရပါဘူး။
NLD ပါတီ၊ NUG၊ တိုင်းရင်းသားလက်နက်ကိုင် အဖွဲ့အစည်းတွေနဲ့ အခြားသူတွေနဲ့လည်း တွေ့ ဆုံခဲ့ပြီး သက်ဆိုင်သူအားလုံးနဲ့ ထိတွေ့ဆက်ဆံဖို့ သူက ကတိပြုခဲ့ပါတယ်။
“မြန်မာနိုင်ငံတစ်ဝှမ်း လက်နက်ကိုင်ပဋိပက္ခ ဆက်လက်ဖြစ်ပွားမှုနဲ့အတူ ပြည်သူတွေရဲ့လိုအပ် ချက်ကို ဖြေရှင်းရာမှာ တိုးတက်မှု အနည်းငယ်သာ ရှိနိုင်ပါတယ်။ မြန်မာသက်ဆိုင်သူတွေဟာ အကျိုးအ မြတ်မရှိသောစိတ်ဓာတ်ကို ကျော်လွန်လုပ်ဆောင်ရမှာဖြစ်ပါတယ်” လို့ ၎င်းက ဆိုပါတယ်။
ကိုးကား – Reuters
Ref; UN envoy says she met Myanmar army chief, calls for end to violence
#Ayeyarwaddy_Times
