ဧရာဝတီတိုင်းမ်
စက်တင်ဘာ ၂၆ ရက်
ရခိုင်ပြည်နယ်အရေး အပါအဝင် မြန်မာနိုင်ငံမှာ ဆိုးရွားလာသော နိုင်ငံရေး၊ လုံခြုံရေးနဲ့ လူသား ချင်းစာနာမှုအခြေအနေကို အလွန်အမင်း စိုးရိမ်မိတယ်လို့ သြစတြေးလျ၊ အိန္ဒိယ၊ ဂျပန်နဲ့ အမေရိကန်နိုင် ငံတို့နဲ့ ဖွဲ့စည်းထားတဲ့ QUAD အဖွဲ့ ထိပ်သီးဆွေးနွေးပွဲ ထုတ်ပြန်ချက်က ဖော်ပြပါတယ်။
အကြမ်းဖက်မှုတွေ ချက်ချင်း ရပ်စဲဖို့၊ မတရား ဖမ်းဆီးခံရသူတွေကို လွှတ်ပေးဖို့၊ လူသားချင်းစာ နာမှုအကူအညီ အဟန့်အတားမရှိ ပေးအပ်ခွင့်ပြုဖို့၊ သက်ဆိုင်သူအားလုံးကြား အပြုသဘောဆောင် သော၊ အားလုံးပါဝင်သော တွေ့ဆုံဆွေးနွေးမှုမှတစ်ဆင့် မြန်မာ့အရေး အဖြေရှာဖို့နဲ့ အားလုံးပါဝင်သော ဒီမိုကရေစီလမ်းကြောင်းပေါ် ပြန်လျှောက်လှမ်းဖို့ QUAD အဖွဲ့ ခေါင်းဆောင်တွေက တောင်းဆိုပါတယ်။
အာဆီယံဥက္ကဌနဲ့ အာဆီယံဥက္ကဌရဲ့ မြန်မာနိုင်ငံဆိုင်ရာ အထူးကိုယ်စားလှယ် အပါအဝင် အာဆီ ယံဉီးဆောင်သော ကြိုးပမ်းမှုတွေကို ထောက်ခံကြောင်း QUAD အဖွဲ့ ခေါင်းဆောင်တွေက ထပ်လောင်း ပြောပါတယ်။
အာဆီယံ ဘုံသဘောတူညီချက် (၅) ရပ်ပါ ကတိကဝတ်အားလုံး အပြည့်အဝ အကောင်အထည် ဖော်ဆောင်ဖို့ QUAD အဖွဲ့ခေါင်းဆောင်တွေက တောင်းဆိုပါတယ်။
မြန်မာပဋိပက္ခဟာ ဆိုက်ဘာရာဇဝတ်မှုတွေ၊ တရားမဝင် မူးယစ်ဆေးကုန်သွယ်မှုနဲ့ လူမှောင်ခို ကူးမှုလိုမျိုး နယ်စပ်ဖြတ်ကျော် ရာဇဝတ်မှုတွေ တိုးလာတာအပါအဝင် ဒေသတွင်း ဆိုးရွားသော ဂယက် ရိုက်ခတ်မှုတွေ ဖြစ်စေတယ်လို့ QUAD အဖွဲ့ခေါင်းဆောင်တွေက ပြောပါတယ်။
မြန်မာစစ်ကောင်စီထံ လေယာဉ်ဆီ အပါအဝင် စစ်လက်နက်နဲ့ အခြားကိရိယာတွေ စီးဆင်းမှုကို ပိတ်ပင်ဖို့ ကမ္ဘာ့နိုင်ငံတွေကို QUAD အဖွဲ့ခေါင်းဆောင်တွေက ပန်ကြားပါတယ်။
မြန်မာပြည်သူတွေကို ပံ့ပိုးကူညီဖို့ စိတ်ပိုင်းဖြတ်ထားဆဲဖြစ်ပြီး မြန်မာပြည်သူတွေကိုယ်တိုင် ဉီး ဆောင်ပြီး မြန်မာနိုင်ငံကို ဒီမိုကရေစီလမ်းကြောင်းပေါ် ပြန်လျှောက်လှမ်းမယ့် လုပ်ငန်းစဉ်တစ်ရပ်နဲ့ မြန် မာအကျပ်အတည်းအတွက် တာရှည်ခံသော အဖြေတစ်ခုရှာဖို့ လက်တွေ့ကျပြီး အပြုသဘောဆောင် သော နည်းလမ်းတစ်ရပ်မှတစ်ဆင့် သက်ဆိုင်သူအားလုံးနဲ့ ဆက်လက်ပြီး လက်တွဲဆောင်ရွက်ဖို့ သံန္နိဌာန်ချထားတယ်လို့ ထုတ်ပြန်ချက်က ဆိုပါတယ်။
ကိုးကား – The White House
Ref; The Wilmington Declaration Joint Statement from the Leaders of Australia, India, Japan, and the United Statesì
#Ayeyarwaddy_Times
