ဧရာဝတီတိုင်းမ်
ဇူလိုင် ၇ ရက်
ဧရာ၀တီတိုင်း၊ သာပေါင်းမြို့နယ်၊ ဆောင်ဘုံကျေးရွာအုပ်စု၏ စစ်ကောင်စီခန့်အုပ်ချုပ်ရေးမှူး ဦးအေးကျော်ဆိုသူသည် ဇူလိူင် ၆ရက်နေ့က ဓါးဖြင့်အထိုးခံရပြီး ဆေးရုံသို့ အရေးပေါ်တက်ရောက်ကုသနေရကြောင်း သတင်းရရှိသည်။
အုပ်ချုပ်ရေးမှူး ဦးအေးကျော်သည် ကျေးရွာအုပ်စုအတွင်းရှိ သုံးအိမ်စုကျေးရွာ မှ အမျိုးသားတစ်ဦးကို စစ်မှုထမ်းရန်မဲပေါက်သည်ဟုဆိုကာ သွားရောက်ပြောဆိုခဲ့ရာ ဓါးဖြင့်ထိုးခံရခြင်းဖြစ်ကြောင်း ဒေသခံများထံမှသိရသည်။
“ဆေးရုံကိုအမြန်ပို့လိုက်ရတယ် ခုနောက်ပိုင်း သာပေါင်းအုပ်ကြီးတွေက စစ်မှုထမ်းဖို့ကိစ္စတွေမှာ မဲမနှိုက်တော့ပဲ သူတို့တွေ့တဲ့လူငယ်တွေကို ခေါ်တာများတယ်။ အဲ့ကိစ္စတွေနဲ့မကျေနပ်သူတွေများလာတာ ခုလုပ်တဲ့သူလဲ မမိသေးဘူး”ဟု ဒေသခံတစ်ဦးမှ ဧရာ၀တီတိုင်းမ်ကိုပြောသည်။
ဓါးဖြင့်အထိုးခံရသည့် အုပ်ချုပ်ရေး၏ ၀မ်းဗ်ိုက်နှင့်လည်ပင်းတို့တွင် ဓါးဒဏ်ရာ လေးချက်ခန့်ရရှိခဲ့ပြီး သာပေါင်းမှတစ်ဆင့် ပုသိမ်ဆေးရုံကြီးသို့ အရေးပေါ် ပို့ဆောင်ခဲ့ရကြောင်း သိရသည်။
ပြီးခဲ့သည့် ဧပြီလ၁၆ရက်နေ့ကလည်း သာပေါင်းမြို့နယ် ၊ကျေးရွာအုပ်စု၏ စစ်ကောင်စီခန့်အုပ်ချုပ်ရေးမှူး ဦးမြင့်လွင်ကို စစ်မှုထမ်းခေါ်ယူမှုနှင့်ပတ်သက်ပြီး မကျေနပ်သောကြောင့်လူငယ်တစ်ဦးမှ ဓါးဖြင့်ခုတ်မှု ဖြစ်ပွါးခဲ့သည်။
ဓာတ်ပုံ-သာပေါင်းမြို့ ပြည်သူ့စစ်မှုထမ်းဥပဒေရှင်းလင်းပွဲ
#သာပေါင်းမြို့နယ် #ကျေးရွာအုပ်ချုပ်ရေးမှူး #စစ်မှုထမ်းမဲပေါက်သူက #ဓါးဖြင့်ထိုး #Ayeyarwaddy_Times
