ဖိုက်တာကြီး အောင်လအန်ဆန်း စက်တင်ဘာမှာ အာဒိုဂန်နဲ့ ထိုးသတ်မယ်

ဧရာ၀တီတိုင်းမ်
ဇွန်လ ၂၇ ရက်

မြန်မာပရိတ်သတ်တို့ရဲ့အချစ်တော် MMA ဖိုက်တာကြီး အောင်လအန်ဆန်းဟာ လာမယ့်စက်တင်ဘာလမှာ အာဒိုဂန်နဲ့ အမေရိကန်နိုင်မှာ ထိုးသတ်သွားမှာဖြစ်ကြောင်း ONE Championship ထံက သိရပါတယ်။

အောင်လဟာ ONE Championship ရဲ့ Friday Night 168 ပြိုင်ပွဲမှာ MMA ဖိုက်တာ အာဒိုဂန်နဲ့ စက်တင်ဘာလ ၆ ရက်နေ့မှာ အမေရိကန်နိုင်ငံ၊ ကော်လိုရာဒိုပြည်နယ်၊ ဒန်ဗာမြို့မှာ ထိုးသတ်သွားမှာ ဖြစ်ပါတယ်။ ဒီပွဲဟာ အောင်လရဲ့အမေရိကန်နိုင်မှာထိုးသတ်မယ့် ဒုတိယမြောက်ပွဲစဉ်လည်း ဖြစ်ပါတယ်။

၂ ထပ်ကွမ်း ချန်ပီယံဟောင်း အောင်လအနေနဲ့ ၂၀၂၃ ခုနှစ်၊ မေလက တရုတ်ဖိုက်တာ ဖန်ရောင်နဲ့ နောက်ဆုံးထိုးသတ်ခဲ့တာဖြစ်လို့ ကြိုးဝိုင်းတွေနဲ့ဝေးကွာနေတာ ၁ နှစ်ကျော် ရှိနေပါပြီ။

သို့ပေမယ့် ပြိုင်ပွဲကျင်းပဖို့ အချိန် ၂ လကျော် လိုနေသေးတာကြောင့် ဖိုက်တာကြီး အောင်လအနေနဲ့ ပြင်ဆင်ချိန်ကောင်းကောင်း ရရှိထားပါတယ်။

အောင်လနဲ့ထိုးသတ်မယ့် ရှာမဲ့လ် အာဒိုဂန်ဟာ MMA ၉ ပွဲထိုးသတ်ရာမှာ ၉ ပွဲလုံး အနိုင်ရထားကာ ရှုံးပွဲလုံး၀မရှိသေးတဲ့ ဖိုက်တာတစ်ဦးဖြစ်ပါတယ်။

အောင်လကတော့ MMA ပြိုင်ပွဲ ၃၀ ထိုးသတ်ရာမှာ ၁၇ ပွဲနိုင် ၁၃ ပွဲရှုံးရလဒ် ပိုင်ဆိုင်ထားတဲ့ ဝါရင့်ဖိုက်တာ ဖြစ်တဲ့အတွက် အာဒိုဂန်အနေနဲ့ အတွေ့အကြုံရင့် MMA ရွှေခါးပတ်ချန်ပီယံဟောင်းကို ရင်ဆိုင်ရမှာပါ။

Photo – ONE Championship
#Ayeyarwaddy_Times #Sport #အောင်လ