မတူပီမြို့ လေမျိုချောင်းအနီးစခန်းချနေတဲ့ စစ်ကောင်စီတပ်ကိုသွားရောက်ပစ်ခတ်လို့ ၅ ဦးသေဆုံးဟုဆို

ဗွီအာတီ၊ ဧရာဝတီတိုင်းမ်
(မတူပီ)၊ ဇူလိုင် ၂၆ ရက်

ချင်းပြည်နယ်၊ မတူပီမြို့၊ လေမျိုချောင်းတံတားအနီးတွင် ယမန်နေ့ ဇူလိုင်လ ၂၅ ရက် မနက် ၁၁ နာရီအချိန်ဝန်းကျင်တွင် စစ်ကောင်စီတပ်နှင့် တိုက်ပွဲဖြစ်ပွားခဲ့ကြောင်း CDF မတူပီကထုတ်ပြန်သည်။

ဇူလိုင်လ ၂၄ ရက်က လေမျိုချောင်းကိုဆင်းလာပြီး ယာ ယီစခန်းချနေသည့် စစ်ကောင်စီတပ်ဖွဲ့ဝင်များကို ချောင်း မြောင်းတိုက်ခိုက်ခဲ့သဖြင့် စစ်ကောင်စီတပ်သား ၅ ဦးသေဆုံးကာ ၄ ဦးခန့်ဒဏ်ရာရရှိခဲ့ကြောင်း သိရသည်။

“ လေမျိုချောင်းကို စစ်ကောင်စီတပ်ဖွဲ့ဝင်တွေ ဆင်းလာကြတာ၊ ကားလမ်းတွေ ပြင်ဖို့ထင်တယ် အဲ့ဒီနားမှာယာယီစခန်းချနေကြတာ။ ကျွန်တော်တို့ CDF မတူပီရဲ့ ရှေ့Point အဖွဲ့က သွားပြီး ပစ်တာ၊ စစ်ကောင် စီဘက်က ၅ ယောက် သေတယ်၊ ၄ ယောက်လောက် ဒဏ်ရာရတယ်” ဟု CDF-Matupiမှ ရဲဘော်တစ်ဦးက ဧရာဝတီတိုင်းမ်သတင်းဌာနကို ပြောကြားသည်။

အဆိုပါတိုက်ပွဲတွင် CDF-Matupiမှ အထိအခိုက်မရှိဘဲ ပြန်လည်ဆုတ်ခွာနိုင်ခဲ့ပြီး CDF-Matupi၊ တပ်ရင်း (၁) ထိန်းချုပ်ရာ နယ်မြေတွင် တိုက်ပွဲများဆက်လက်ဖြစ်ပွားလာနိုင်ကြောင်း CDF-Matupi၏ ထုတ်ပြန်ချက်တွင် ဖော်ပြထားသည်။