ဧရာဝတီတိုင်းမ်
ဩဂုတ်လ ၂၀ ရက်
ဧရာ၀တီတိုင်း၊ ပုသိမ်မြို့နယ်တွင် သြဂုတ်လအတွင်း မူးယစ်ဆေးဝါးများကိုစီမံချက်ဖြင့် ဖမ်းဆီးနေပြီး များစွာရောင်းချနေသူများကို ဖမ်းဆီးခြင်းမတွေ့ပဲ၊ အနည်းငယ်၀ယ်ယူသုံးစွဲသူများကို ပစ်မှတ်ထားဖမ်းဆီးနေကြောင်း မြို့ခံများကပြောသည်။
လက်ရှိသြဂုတ်လအတွင်း ၀ယ်ယူသုံးစွဲသူ လူငယ်အမျိုသား ၆ ဦးအထိ ဖမ်းဆီးခံထားရပြီး WY နှင့် ဘိန်းဖြူ၊ ဆေးခြောက် အနည်းငယ်နှင့် ဖမ်းဆီးခံနေရကြောင်းသိရှိရသည်။
” မူးယစ်ဆေး အဖမ်းပြနေတာ၊ ရောင်းနေတဲ့ လူကြမိတယ်တစ်ခါမှမကြားရဘူး သုံးမိတဲ့ကလေးတွေကတော့ မိကုန်တာပေါ့”ဟု မြို့ခံတစ်ဦးကဧရာ၀တီတိုင်းမ်ကိုပြောသည်။
သြဂုတ်လ ၁၇ ရက်နေ့ကလည်း ပုသိမ်မြို့တွင်နေထိုင်သူ လူငယ်တစ်ဦး ၀ယ်ယူလာသည့် ဆေးခြောက် ၁၀ ဂရမ်ခန့်ကိုစောင့်ကြိုဖမ်းဆီးခဲ့ကြောင်းသိရှိရသည်။
ယခုလို မူးယစ်ဆေးဝါးလာရာက်၀ယ်ယူသူ လူငယ်များကို သတင်းအတိအကျဖမ်းဆီးနိုင်ခြင်းသည်
ရောင်းချနေသော သူများမှ သတင်းပေး အဖမ်းပြခိုင်းခြင်းသာဖြစ်ကြောင်း ရဲတပ်ဖွဲ့နှင့်နီးစပ်သူတစ်ဦးမှသုံးသပ်ပြောဆိုသည်။
စစ်အာဏာသိမ်းပြီးနောက်ပိုင်း တရားဥပဒေစိုးမိုးရေးလုပ်ငန်းများဆောင်ရွက်ရာတွင် ရဲတပ်ဖွဲ့ဝင်အင်အား လိုအပ်ချက်များလာတာကြောင့် မူးယစ်ဆေးဝါးရောင်းချမှုနှင့် ငွေတုရောင်းချခြင်းလုပ်ငန်းများကို ဖော်ထုတ်ဖမ်းဆီးမှုလျော့နည်းလာကြောင်း ဒေသခံများက သုံးသပ်ပြောဆိုသည်။
#ပုသိမ်မြို့နယ် #စစ်ကောင်စီတပ် #မူးယစ်ဆေးဝါး #အဖမ်းပြ #Ayeyarwaddy_Times
