အမေရိကန်က တရုတ်၊ မြန်မာနဲ့ ပါကစ္စတန်ရှိ စီးပွားရေးလုပ်ငန်း ၃၇ ခုကို အမည်ပျက်စာရင်း ထည့်သွင်း

ဧရာဝတီတိုင်းမ်
မတ်လ ၅ ရက်

တရုတ်၊ ပါကစ္စတန်နဲ့ မြန်မာနိုင်ငံရှိ စီးပွားရေးလုပ်ငန်း ၃၇ ခုကို အမည်ပျက်စာရင်း သွင်းလိုက်ကြောင်း အမေရိကန် ကူးသန်းရောင်းဝယ်ရေးဝန်ကြီး ဌာနက ထုတ်ပြန်ချက်တစ်ခုအတွင်း ပြောပါတယ်။

ရုရှားစစ်တပ်ကို ကူညီမှု၊ တရုတ်စစ်တပ်ကို ခေတ်မီအောင်တည်ဆောက်ရာမှာ ပံ့ပိုးမှုနဲ့ မြန်မာနဲ့တရုတ် နိုင်ငံက လူ့အခွင့်အရေး ချိုးဖောက်မှုတွေမှာ ပါဝင်ပတ်သက်မှုတို့ကြောင့် အခုလို အမည်ပျက်စာရင်း ထည့်သွင်း တာဖြစ်ပါတယ်။

ဒုံးကျည်နဲ့ နျူကလီးယားအစီအစဉ်တွေမှာ ပံ့ပိုးကူညီမှုကြောင့် တရုတ်နဲ့ ပါကစ္စတန်နိုင်ငံအခြေစိုက် စီး ပွားရေးလုပ်ငန်း ၁၄ ခုကို အမည်ပျက်စာရင်း သွင်းလိုက်တယ်လို့ ထုတ်ပြန်ချက်က ဆိုပါတယ်။
လူ့အခွင့်အရေး ချိုးဖောက်မှုတွေကြောင့် တရုတ်နဲ့မြန်မာနိုင်ငံရှိ စီးပွားရေးလုပ်ငန်း ၆ ခုကို အမည်ပျက် စာရင်း သွာလိုက်တယ်လို့ ထုတ်ပြန်ချက်က ဖော်ပြပါတယ်။

မြန်မာနိုင်ငံရှိ စီးပွားရေးလုပ်ငန်းသုံးခုက မြန်မာစစ်တပ်သို့ စောင့်ကြည့်ရေးကိရိယာတွေနဲ့ ဝန်ဆောင်မှု တွေ ဆောင်ရွက်ပေးပြီး စစ်တပ်က မြန်မာပြည်သူတွေကို ဖိနှိပ်ရာမှာ ကူညီပေးခဲ့တာကြောင့် အမည်ပျက်စာရင်း ထည့်သွင်းတာလို့ ထုတ်ပြန်ချက်က ပြောပါတယ်။

ပြီးခဲ့တဲ့လအတွင်း အမေရိကန်နိုင်ငံပိုင်နက်အတွင်း ဝင်ရောက်လာခဲ့တဲ့ တရုတ်နိုင်ငံရဲ့ သံသယဖြစ်ဖွယ် သူလျှိုမိုးပျံပူဖောင်းတစ်လုံးကို ဂျိုးဘိုင်ဒင်အစိုးရက ပစ်ချပြီးနောက် နှစ်နိုင်ငံကြား ဆက်ဆံရေး တင်းမာနေပါ တယ်။

ကိုးကား – ANI
Ref; US blacklists 37 Chinese, Pakistani firms