မြန်မာပြည်သူတွေကို ပံ့ပိုးကူညီဖို့ သံန္နိဌာန်ချထားဆဲလို့ ဗြိတိန် ဆို

ဧရာဝတီတိုင်းမ်
မတ် ၂၂ ရက်

အစုလိုက်အပြုံလိုက် ကွက်မျက်မှုတွေ၊ အမျိုးသမီးနဲ့မိန်းခလေးတွေကို လိင်ပိုင်းဆိုင်ရာ အကြမ်း ဖက်မှုတွေနဲ့ အာဏာသိမ်းမှုနောက်ပိုင်း နေအိမ်နဲ့ အရပ်ဘက်အဆောက်အအုံ ၁၀၀၀၀၀ ကျော်ကို မီးရှို့ မှုသတင်းတွေကို ဗြိတိန်နိုင်ငံက အလွန်အမင်း စိုးရိမ်တယ်လို့ ကုလသမဂ္ဂဆိုင်ရာ ဗြိတိန် လူ့အခွင့်အရေး သံအမတ်ကြီး အီလန်နော်ဆန်းဒါးက ပြောပါတယ်။

မြန်မာစစ်တပ်က အကြမ်းဖက်မှုတွေ အရှိန်မြှင့်လာတဲ့အပေါ် ထိတ်လန့်တုန်လှုပ်ပြီး ဖေဖော်ဝါရီ လအတွင်းမှာပင် လေကြောင်းတိုက်ခိုက်မှု အကြိမ် ၃၀၀ ကျော် လုပ်ဆောင်ခဲ့ရာ အရပ်သားတွေ သေဆုံး ပြီး ဆေးရုံတွေ၊ စာသင်ကျောင်းတွေကို ပစ်မှတ်ထားခဲ့တယ်လို့ သူက ဆိုပါတယ်။

မြန်မာစစ်တပ်ရဲ့ အကြမ်းဖက်တိုက်ခိုက်မှုဒဏ်ကို တိုင်းရင်းသားနဲ့ ဘာသာရေးလူနည်းစုက ခံခဲ့ ရတယ်လို့ ၎င်းက ဆက်ပြောပါတယ်။

နိုင်ငံတကာအသိုင်းအဝိုင်းဟာ ပြစ်ဒဏ်ကနေ သက်ညှာခွင့်ရနေတဲ့သံသရာကို ချိုးဖောက်ဖို့ အ ရေးယူရမှာဖြစ်ပြီး အပြည်ပြည်ဆိုင်ရာဉပဒေ ချိုးဖောက်မှုတွေအတွက် တာဝန်ခံရမယ်ဆိုတာ မြန်မာစစ် တပ်ကို ထုတ်ဖော်ပြောရမယ်လို့ သူက ပြောပါတယ်။

မြန်မာပြည်သူ သန်း ၂၀ နီးပါး လူသားချင်းစာနာမှု အကူအညီ လိုအပ်နေပြီး ပြည်သူ ၁၅ သန်း စားနပ်ရိက္ခာ မဖူလုံမှု ကြုံတွေ့နေရခြင်းကြောင့် နိုင်ငံတကာရဲ့ ပံ့ပိုးကူညီမှု အရေးပေါ် လိုအပ်နေပြီလို့ ၎င်းက ထောက်ပြပါတယ်။

ဗြိတိန်နိုင်ငံက မြန်မာပြည်သူတွေကို ပံ့ပိုးကူညီဖို့ သံန္နိဌာန်ချထားဆဲဖြစ်ပြီး ယခုဘဏ္ဍာနှစ်မှာ အ ကူအညီ စတာလင်ပေါင် သန်း ၇၀ ကျော် ထောက်ပံ့ခဲ့တယ်လို့ အီလန်နော်ဆန်းဒါးက ဆက်ပြောပါ တယ်။

အာဏာသိမ်းမှုနောက်ပိုင်း ဗြိတိန်နိုင်ငံက မြန်မာစစ်ကောင်စီ တာဝန်ရှိသူ ၂၅ ဉီးနဲ့ စီးပွားရေး လုပ်ငန်း ၃၉ ခုကို ဒဏ်ခတ်ပိတ်ဆို့ကာ မြန်မာစစ်ကောင်စီရဲ့ ငွေကြေးနဲ့ စစ်လက်နက်ရပေါက်တွေကို ပစ်မှတ်ထားခဲ့တယ်လို့ ၎င်းက ဆိုပါတယ်။

ကိုးကား – https://www.gov.uk
Ref; UN Human Rights Council 58: UK Statement for the Special Rapporteur on Myanmar

#Ayeyarwaddy_Times