ဧရာဝတီတိုင်းမ်
မတ် ၁၂ ရက်
အပြည်ပြည်ဆိုင်ရာ ရာဇဝတ်ခုံရုံး (ICC) ရဲ့ တောင်းဆိုချက်ကြောင့် မနီလာလေဆိပ်မှာ ဖမ်းဆီး ခံခဲ့ရတဲ့ ဖိလစ်ပိုင်သမ္မတဟောင်း ရော့ဒရီဂိုဒူတာတေးကို သည်ဟိဂ်မြို့သို့ ပို့ဆောင်လိုက်ပြီလို့ သိရပါ တယ်။
၂၀၁၆ ခုနှစ်မှ ၂၀၂၂ ခုနှစ်အထိ ဖိလစ်ပိုင်နိုင်ငံကို ဉီးဆောင်ခဲ့တဲ့ ဒူတာတေးကို အင်္ဂါနေ့အစော ပိုင်းက ဖမ်းဆီးခဲ့ရာ လူထောင်ချီ သေဆုံးခဲ့ပြီး ကမ္ဘာတစ်ဝှမ်း ရှုတ်ချခံခဲ့ရတဲ့ မူးယစ်ဆေးနှိမ်နင်းမှုတွေအ တွင်း လူသားမျိုးနွယ်စုအပေါ်ကျူးလွန်သော ရာဇဝတ်မှုနဲ့ ICC ရဲ့ စုံစမ်းစစ်ဆေးမှုတွေအတွက် အကြီး မားဆုံးခြေလှမ်း ဖြစ်လာစေပါတယ်။
အသက် ၇၉ နှစ်အရွယ် ဒူတာတေးဟာ ICC မှာ အမှုရင်ဆိုင်ရတဲ့ ပထမဆုံးသော အာရှခေါင်း ဆောင်ဟောင်း ဖြစ်လာနိုင်ပါတယ်။
“ဒူတာတေးကို တင်ဆောင်လာတဲ့လေယာဉ်က နယ်သာလန်နိုင်ငံ၊ သည်ဟိဂ်မြို့ကို သွားနေတာ ကြောင့် သူဟာ မူးယစ်ဆေးနှိမ်နင်းမှုနဲ့ပတ်သက်လို့ လူသားမျိုးနွယ်စုအပေါ်ကျူးလွန်သော ရာဇဝတ်မှုနဲ့ စွဲချက်တွေ ရင်ဆိုင်ရမှာဖြစ်ပါတယ်” လို့ ဖိလစ်ပိုင်သမ္မတ ဖာဒီနန်မားကို့စ်က သတင်းစာရှင်းလင်းပွဲမှာ ပြောပါတယ်။
“ကျွန်တော်တို့ ICC ကို ဘယ်လိုနည်းလမ်းနဲ့မှ ကူညီခဲ့တာမဟုတ်ပါဘူး။ အင်တာပိုလ်ရဲ့ တောင်းဆိုချက်နဲ့အညီ ဖမ်းဆီးမှုပြုလုပ်ခဲ့တာပါ” လို့ ၎င်းက ဆက်ပြောပါတယ်။
ဒူတာတေးက ဖိလစ်ပိုင်နိုင်ငံကို ၂၀၁၉ ခုနှစ်မှာ ICC မှ တစ်ဖက်သတ် နှုတ်ထွက်ခဲ့ပြီး စွပ်စွဲချက် တွေကို ဂရုမစိုက်ကြောင်း ထုတ်ဖော်ပြောပြီးနောက် အခုလို ဖမ်းဆီးခံရတာပါ။
ကိုယ့်ကိုကိုယ် ကာကွယ်ဖို့သာ သတ်ဖြတ်ဖို့ ရဲတပ်ဖွဲ့ကို ညွှန်ကြားခဲ့ပြီး မူးယစ်ဆေးနှိမ်နင်းမှုကို ဒူတာတေးက ခုခံကာကွယ်ခဲ့ပါတယ်။
ဒူတာတေးကို ဖမ်းဆီးမှုကို ဆင်းရဲတဲ့ ဖိလစ်ပိုင်ပြည်သူတွေကို ပစ်မှတ်ထားတဲ့ မူးယစ်ဆေးနှိမ် နင်းမှုစစ်ပွဲမှာ သေဆုံးခဲ့သူတွေအတွက် တာဝန်ခံမှုရရှိဖို့ အဆုံးအဖြတ် ခြေလှမ်းတစ်ရပ်လို့ လူ့အခွင့်အ ရေးအဖွဲ့တွေက ပြောပါတယ်။
ကိုးကား – Reuters
Ref; Philippines sends ex-President Duterte to ICC over ‘drugs war’ killings
#Ayeyarwaddy_Times
