ဧရာဝတီတိုင်းမ်
စက်တင်ဘာလ ၂၁ ရက်
ဧရာဝတီတိုင်း၊ ဖျာပုံမြို့တွင် စက်တင်ဘာလ ၂၁ ရက်နေ့ညပိုင်း Paradiso ရုပ်ရှင်ရုံ မီးလောင်ကျွမ်းမှုဖြစ်ပေါ်နေကြောင်း ဒေသခံများထံမှ သိရသည်။
ည ၉ နာရီကျော်ကလောက်ကစတင်မီးလောင်ကျွမ်းခဲ့တာဖြစ်ပြီး လက်ရှိချိန်ထိ မီးငြိမ်းသတ်နေရကြောင်း ဒေသခံများမှ ပြောသည်။
” ခုတော့ မီးညွန့်ကျသွားပါပြီ၊ ဘာလို့လောင်တယ်ဆိုတာတော့ မသိသေးဘူး။ မီးသတ်ရုံးနဲ့နီးတော့ ခဏလေးနဲ့ မီးထိန်းလိုက်နိုင်ပါတယ်”ဟု ဒေသခံအမျိုးသား တဦးမှ ဧရာဝတီတိုင်းမ်သို့ ပြောသည်။
မီးလောင်ကျွမ်းပြီး မိနစ်ပိုင်းအကြာတွင် မီးသတ်ကားများရောက်လာသလို မိုးလည်းရွာသဖြင့် မီးအလွယ်တကူထိန်းနိုင်ခဲ့ကြောင်း ၎င်းမှဆက်လက်ပြောဆိုသည်။
မီးလောင်ကျွမ်းရသည့် အကြောင်းအရာအား အတည်ကျမသိရသေးသော်လည်း လူထိခိုက်သေဆုံးမှုမရှိကြောင်း ဒေသခံများထံမှ သိရသည်။
စက်တင်ဘာလ ၂၁ ရက်နေ့ညပိုင်း Paradiso ရုပ်ရှင်ရုံမီးလောင်ကျွမ်းမှုသည် ဖျာပုံမြို့တွင် ယခုလအတွင်း ပထမဆုံး မီးလောင်ကျွမ်းမှုလည်းဖြစ်ကြောင်း ဒေသခံများမှ ပြောဆိုသည်။
ဓာတ်ပုံ – ပေးပို့
#ဖျာပုံမြို့ #မီးလောင် #ရုပ်ရှင်ရုံ #Paradiso #Ayeyarwaddy_Times
