ဧရာဝတီတိုင်းမ်
မတ် ၂၁ ရက်
မြန်မာစစ်တပ်ဟာ ကျေးရွာတွေမီးရှို့တာ၊ အစုလိုက်အပြုံလိုက် သတ်ဖြတ်တာနဲ့ အရပ်ဘက်ပစ် မှတ်တွေကို လေကြောင်းတိုက်ခိုက်တာတွေ အပါအဝင် အကြမ်းဖက်မှုတွေ ဆက်လက် ကျူးလွန်နေပြီး အပြစ်မဲ့အရပ်သားတွေဟာ အခုလိုမျိုး တိုက်ခိုက်ခံမှုတွေအတွက် တရားမျှတမှု မရရှိဘူးလို့ ဗြိတိန်နိုင်ငံ ရဲ့ လူ့အခွင့်အရေး သံအမတ်ကြီး ရီတာဖရန့်က ပြောပါတယ်။
မြန်မာနိုင်ငံဆိုင်ရာ အထူးအစီရင်ခံစာတင်ပြသူရဲ့ အစီရင်ခံစာအတွက် ထုတ်ပြန်ချက်မှာ ၎င်းက အခုလို ပြောကြားခဲ့တာဖြစ်ပါတယ်။
မြန်မာနိုင်ငံရဲ့ လူသားချင်းစာနာမှုအခြေအနေက ဆိုးရွားနေပြီး ပြည်သူ ၁၈ သန်းကျော်ဟာ အ ကူအညီ လိုအပ်နေကာ အိုးအိမ်စွန့်ခွာရသူ ၂ ဒသမ ၆ သန်းကျော် ရှိတယ်လို့ သူက ဆိုပါတယ်။
မြန်မာပြည်သူတွေ သောကပိုဖြစ်စေမယ့် စစ်ကောင်စီရဲ့ မကြာသေးမီက စစ်မှုထမ်းဉပဒေ ကြေ ညာမှုနဲ့ပတ်သက်လို့ ဗြိတိန်နိုင်ငံက အလွန်အမင်း စိုးရိမ်မိတယ်လို့ သူက ဆက်ပြောပါတယ်။
ရိုဟင်ဂျာတွေဟာ ဆယ်စုနှစ်ချီ စနစ်တကျ ခွဲခြားဆက်ဆံမှု ခံနေရဆဲဖြစ်ပြီး ရခိုင်ပြည်နယ်မှာ စစ်တပ်နဲ့ရက္ခိုင့်တပ်တော် (AA) ကြား တိုက်ပွဲတွေမှာ ကြားညှပ်နေတယ်လို့ ရီတာဖရန့်က ပြောပါတယ်။
ဒါကြောင့် ဗြိတိန်နိုင်ငံက စစ်ကောင်စီရဲ့ စစ်လက်နက်နဲ့ ဝင်ငွေရပေါက်တွေကို ပစ်မှတ်ထားတဲ့ ဒဏ်ခတ်ပိတ်ဆို့မှုတွေ ဆက်လက်ပြုလုပ်တာဖြစ်ပါတယ်။
မြန်မာနိုင်ငံဆိုင်ရာ လွတ်လပ်သော စုံစမ်းစစ်ဆေးရေးယန္တယား (IIMM) နဲ့ Myanmar Witness တို့ကို ဗြိတိန်နိုင်ငံက ဆက်လက်ထောက်ခံပြီး မြန်မာစစ်တပ်ရဲ့ ပြစ်ဒဏ်ကနေကင်းလွတ်နေတဲ့ ယဉ် ကျေးမှုကို အဆုံးသတ်ရမယ်လို့ သူက ဆိုပါတယ်။
ကိုးကား – https://www.gov.uk
Ref; UN Human Rights Council 55: UK Statement on Myanmar
