ဧရာဝတီတိုင်းမ်
အောက်တိုဘာလ ၂၁ ရက်
ဧရာ၀တီတိုင်း၊ ဘိုကလေးမြို့တွင် အောက်တိုဘာလအတွင်း စစ်ကောင်စီကို ဆန့်ကျင်သည့်စာများ လူမှုကွန်ယက်(facebook)တွင် ရေးသားသည်ဟုစွပ်စွဲကာ အမျိုးသား ၂ ဥိီးအဖမ်းခံလိုက်ရကြောင်း ဒေသခံများထံမှ သိရှိရသည်။
ဖမ်းဆီးခံရသူ ၂ ဦးမှာ လူငယ်များဖြစ်ပြီး စစ်ကောင်စီတပ်က ဖမ်းဆီးသွားပြီးနောက် သတင်းဆက်သွယ်မရတော့ကြောင်း မိသားနှင့် နီးစပ်သူများထံမှ သိရသည်။
“စစ်တပ်နဲ့ ရဲတွေက ကောင်လေးတစ်ယောက်ကို သင်္ဘောပေါ်ကအဆင်းအတင်း၀င်ဖမ်းတာ။ ဘာအမှုလဲမှတ်လို့ facebook မှာ သူတို့မကောင်းကြောင်းရေးလို့တဲ့၊ ပြီးခဲ့တဲ့ ၁၅ ရက်နေ့ကလဲ နေအိမ်ကိုဝိုင်းပြီး တစ်ယောက်ဖမ်းသွားသေးတယ်။ သူတို့က လိုင်းပေါ်တင်တာတောင် အရမ်းကြောက်နေကြတယ်”ဟု ဘိုကလေးမြို့ခံတစ်ဦးမှ ဧရာ၀တီတိုင်းမ်သို့ပြောသည်။
ဖမ်းဆီးခံရသူများမှာ အောက်တိုဘာလ ၁၅ ရက်နေ့တွင် ဘိုကလေးမြို့နယ်၊ အမှတ် ၄ ရပ်ကွက်တွင်နေထိုင်သော အမျိုးသားတစ်ဦးကို လူမှုကွန်ယက်(facebook)group ဖြစ်သည့် “ဘိုကလေးသားတို့ဆုံဆည်းရာ လွပ်လပ်စွာရေးသားမယ်”တွင် စစ်ကောင်စီဆန့်ကျင်သောစာများရေးသားသည်ဟုဖမ်းဆီးခဲ့ခြင်းဖြစ်သည်။
နောက်တစ်ဦးကို အောက်တိုဘာလ ၁၇ ရက်နေ့က အမှတ် ၅ ရပ်ကွက် ဆိပ်ကမ်းတွင် သင်္ဘောပေါ်မှဆင်းလာသော PA PA Aung အကောင့်သုံးစွဲသူလူငယ်တစ်ဦးကို ဖမ်းဆီးသွားကြောင်း ရဲတပ်ဖွဲ့နှင့်နီးစပ်သူများထံမှသိရှိရသည်။
“နိုင်ငံရေးအကြောင်းတွေ ၊ရေးမယ် ၊shareမယ်ဆိုရင် ကိုယ့်လူအခြင်းခြင်းလဲမယုံကြပါနဲ့ စောင့်ကြည့်သတင်းပေးနေတဲ့သူတွေရှိနေတယ်၊ နိုင်ငံရေးအကြောင်းတင်ရင် အကောင့်တုနဲ့ တင်၊အပြင်သွားရင်တင်ထားတာတွေ၊ပြောထားတဲ့စာတွေဖျက်သွားတာအလုံခြုံဆုံးပဲ “လို့ အသက် ၅၀ အရွယ် ဘိုကလေးမြို့ခံတစ်ဦးက ဧရာ၀တီတိုင်းမ်ကိုပြောသည်။
လက်ရှိတွင်ဖမ်းဆီးထားသူများကို ဘိုကလေးမြို့မရဲစခန်းတွင် ဖမ်းဆီးထားပြီး အကြမ်းဖက်မှုတိုက်ဖျက်ရေးဥပဒေအိီလက်ထရောနစ်ဆက်သွယ်ဆောင်ရွက်ရေးဥပဒေများနှင့်တရားစွဲဆိုဖို့ပြင်နေကြောင်း ရဲတပ်ဖွဲ့နင့်နီးစပ်သူများထံမှသိရှိရသည်။
#ဘိုကလေးမြို့ #ဒေသခံ #အွန်လိုင်း #စစ်ကောင်စီတပ် #Ayeyarwaddy_Times
