ဧရာဝတီတိုင်းမ်
ဇွန် ၈ ရက်
အရှေ့အလယ်ပိုင်း ပဋိပက္ခများနှင့်အတူ ကမ္ဘာ့ရွှေဈေး မြင့်တက်မှုကြောင့် ပြည်တွင်းရွှေဈေးနှုန်းများ လိုက်ပါမြင့်တက်ခဲ့ရာမှ ယခုတစ်ပတ်အတွင်း ကျပ်သိန်း ၁၀၀ အောက်သို့ ပြန်လည်ကျဆင်းလာကြောင်း သိရသည်။
ပြည်တွင်းရွှေဈေးနှုန်းသည် ပြီးခဲ့သည့် ၂၀၂၅ ခုနှစ် ဒီဇင်ဘာလမှစတင်ကာ တစ်ကျပ်သားလျှင် ကျပ်သိန်း ၉၀ ကျော်အထိ စံချိန်တင်မြင့်တက်ခဲ့ပြီးနောက် ကျပ် ၁၀၈ သိန်းအထိ ဆက်တိုက်မြင့်တက်ခဲ့ခြင်း ဖြစ်သည်။
ယနေ့ ဇွန် ၈ ရက်နေ့ ဈေးကွက်ပိတ်ချိန်အထိ ရရှိထားသော သတင်းများအရ ပြည်တွင်းအခေါက် ရွှေဈေးသည် တစ်ကျပ်သားလျှင် ဝယ်ဈေး ကျပ် ၉၈ သိန်း ၃ သောင်း နှင့် ရောင်းဈေး ကျပ် ၉၉ သိန်း ၃ သောင်း ရှိကြောင်း ရွှေဈေးကွက်အတွင်းမှ စုံစမ်းသိရှိရသည်။
ယခုကဲ့သို့ ပြည်တွင်းရွှေဈေး သိန်း၁၀၀အောက် ပြန်လည်ကျဆင်းလာချိန်တွင် ကမ္ဘာ့ရွှေဈေးသည်လည်း တစ်အောင်စလျှင် အမေရိကန်ဒေါ်လာ ၄,၃၂၀ ဝန်းကျင်၌ အရောင်း အဝယ် ဖြစ်လျက်ရှိသည်။
အလားတူ နိုင်ငံခြားငွေလဲလှယ်နှုန်းထား ဈေးကွက်တွင်လည်း အမေရိကန်တစ်ဒေါ်လာလျှင် ဝယ်ဈေး ၄,၂၂၀ ကျပ်နှင့် ရောင်းဈေး ၄,၃၂၀ ကျပ် ဝန်းကျင်ရှိကြောင်း ငွေကြေးဈေးကွက်မှ သိရသည်။
အခြားကမ္ဘာ့ငွေကြေးများဖြစ်သည့် တရုတ်ယွမ်ငွေလဲနှုန်းမှာ တစ်ယွမ်လျှင် ဝယ်ဈေး ကျပ် ၆၁၇ နှင့် ရောင်းဈေး ကျပ် ၆၃ ၃ ရှိပြီး၊ ထိုင်းဘတ်ငွေလဲနှုန်းမှာ တစ်ဘတ်လျှင် ဝယ်ဈေး ၁၂၇ ကျပ်နှင့် ရောင်းဈေး ၁၃၀ ကျပ်ဖြင့် အသီးသီး အရောင်းအဝယ် ဖြစ်လျက်ရှိသည်။
ပြီးခဲ့သည့် ၂၀၂၅ ခုနှစ် ဇွန်လပိုင်းတွင် ပြည်တွင်းရွှေတစ်ကျပ်သားလျှင် ကျပ်သိန်း ၈၀ ဝန်းကျင်ရှိခဲ့ပြီး အမေရိကန်ဒေါ်လာလဲနှုန်းမှာ တစ်ဒေါ်လာလျှင် ကျပ် ၄,၄၆၀ အထိ ရှိခဲ့ကြောင်း ဈေးကွက် မှတ်တမ်းများအရ သိရသည်။
ဓာတ်ပုံ – ဧရာဝတီတိုင်းမ်
