ငဖဲမြို့နယ် နတ်ရေကန်ဗျူဟာကုန်းတွင် တိုက်ပွဲပြင်းထန်နေ၊ စစ်ကော်မရှင်က အင်အား ၅၀၀ ကျော်နှင့် စစ်ယာဉ်တန်းများ ဆက်တိုက်ပို့နေ

‎ဧရာဝတီတိုင်းမ်
‎မတ် ၆ ရက်
‎

မကွေးတိုင်း၊ ငဖဲမြို့နယ်၊ ပဒါန်းတပ်နယ်အတွင်းရှိ စစ်ကော်မရှင်၏ လေကြောင်းရန်ကာကွယ်ရေးစခန်း နတ်ရေကန်ဗျူဟာကုန်းတွင် တိုက်ပွဲများ ပြန်လည်ပြင်းထန်လာပြီး စစ်ကော်မရှင်ဘက်က အင်အား အလုံးအရင်းဖြင့် စစ်ကူများ ဆက်တိုက်ပို့ဆောင်နေကြောင်း သိရသည်။

နတ်ရေကန်ဗျူဟာ၏ ထောက်ပို့လမ်းကြောင်း နှစ်ခုမှနေ၍ စစ်အင်အားများ တိုးချဲ့စေလွှတ်ထား သော်လည်း ဗျူဟာကုန်းသို့ အလွယ်တကူ ကပ်နိုင်ခြင်းမရှိဘဲ လမ်းကြောင်းတစ်လျှောက်တွင် တိုက်ပွဲများ ဖြစ်ပွားနေကြောင်း သတင်းရင်းမြစ်ထံမှ သိရသည်။
‎

“စစ်ကူကတော့ ဆက်တိုက်ပို့နေတယ်။ ဗျူဟာကုန်းမှာ ဘန်ကာဆောက်တဲ့အထိ လမ်းပွင့်သွားပြီး တဲ့နောက်ပိုင်း တိုက်ပွဲအပြင်းအထန် ပြန်ဖြစ်တာ။ လေကြောင်းကနေလည်း တော်တော်လေး တိုက်ခိုက်သွားတယ်” ဟု သတင်းရင်းမြစ်က ဧရာဝတီတိုင်းမ်ကို ပြောသည်။

ပြီးခဲ့သည့် မတ်လ ၂ ရက်နေ့က နတ်ရေကန်ဗျူဟာ၌ စစ်ကော်မရှင်တပ်နှင့် ရက္ခိုင့်တပ်တော် (AA) တို့ တိုက်ပွဲအပြင်းအထန် ဖြစ်ပွားခဲ့ပြီး စစ်ကော်မရှင်က လေကြောင်းပစ်ကူ အလွန်အကျွံသုံး၍ ခုခံခဲ့ရသည်။

မတ်လ ၃ ရက်နေ့တွင်လည်း ဂျက်ဖိုက်တာ လေးစင်း၊ Y-12 လေယာဉ် တစ်စင်းတို့ဖြင့် အကြိမ်ရေ ဒါဇင်နှင့်ချီ၍ ဗုံးကြဲတိုက်ခိုက်ခဲ့သည့်အပြင် အမြောက်စခန်းကွပ်ကဲမှု ဌာနချုပ် မစခ-၉၀၅ အတွင်းမှ အင်အားအပြည့်ပါသော စစ်ယာဉ်တန်း သုံး စီး ထွက်ခွာမှု ရှိခဲ့ကြောင်း သိရသည်။
‎

‎ပြီးခဲ့သည့် မတ် ၂ရက်နေ့တွင် နတ်ရေကန်ဗျူဟာ၌ စစ်ကော်မရှင်နှင့် AAတို့တိုက်ပွဲအပြင်း အထန်ဖြစ်ပွားခဲ့ရာ စစ်ကော်မရှင်က လေကြောင်း ပစ်ကူယူ ခုခံခဲ့ကြောင်း သိရသည်။
‎

‎မတ် ၃ရက်နေ့တွင် ဂျက်ဖိုက်တာ ၄စင်း၊ Y12 လေယာဉ်တစ်စင်းတို့ဖြင့် အကြိမ်ရေ ဒါဇင်နှင့်ချီ၍ ဗုံးကြဲတိုက်ခိုက်မှုများ ပြုလုပ်ခဲ့သည့်အပြင် မစခ ၉၀၅အတွင်းမှ အင်အားအပြည့်ပါ စစ်ယာဉ်တန်း ၃စီး ထွက်ခွါမှုရှိခဲ့သည်။
‎

‎နတ်ရေကန်ဗျူဟာကုန်းနှင့် လမ်းပိုင်းကို စစ်ကော်မရှင်၏ မိုင်းပန်အခြေစိုက် စကခ ၁၇မှတပ်ရင်းများ၊ အနောက်ပိုင်းတိုင်းစစ်ဌာနချုပ်မှတပ်ပျက်လာသည့် တပ်ရင်းများ၊ တပ်မ ၉၉အကြွင်းအကျန် တပ်ဖွဲ့ဝင်များအပြင် တပ်မ ၁၀၁မှ အင်အား ၅၀၀ ခန့်ပါ စစ်ကူအင်အားဖြည့်ထားကြောင်း သိရသည်။

နတ်ရေကန်ဗျူဟာကုန်းနှင့် လမ်းပိုင်းအတွက် စစ်ကော်မရှင်ဘက်က မိုင်းပန်အခြေစိုက် စကခ-၁၇ မှ တပ်ရင်းများ၊ အနောက်ပိုင်းတိုင်းစစ်ဌာနချုပ်မှ တပ်ပျက်လာသည့် တပ်ရင်းများ၊ တပ်မ (၉၉) အကြွင်းအကျန် တပ်ဖွဲ့ဝင်များအပြင် တပ်မ (၁၀၁) မှ အင်အား ၅၀၀ ခန့်ပါဝင်သည့် စစ်ကူအင်အားများကို ဖြည့်တင်းထားကြောင်း သိရသည်။

ပုံစာ-နတ်ရေကန်ဗျူဟာကုန်းနှင့်စစ်ကော်မရှင်တပ်ဖွဲ့ဝင်များ (ပုံဟောင်း)