ဧရာဝတီတိုင်းမ်
ဇန်နဝါရီ ၂၅ရက်
ရခိုင်ပြည်နယ်၏ ရှေးဟောင်းမြို့တော် မြောက်ဦးမြို့တွင် ရှေးဟောင်း ရွှေထည်ရတနာပစ္စည်းအချို့နှင့် ရခိုင်ဘုရင်များလက်ထက်က သုံးစွဲခဲ့သည့် ငွေဒင်္ဂါးပြား ၁၅၀ ခန့်ကို တွေ့ရှိခဲ့ကြောင်း ဒေသတွင်း သတင်းရင်းမြစ်များထံမှ သိရသည်။
မြောက်ဦးမြို့တစ်နေရာ၌ ကလေးငယ်များ ဘောလုံးကစားနေစဉ် ယမန်နေ့ ဇန်နဝါရီ ၂၄ ရက်နေ့က ငွေဒင်္ဂါးအချို့ကို စတင်တွေ့ရှိခဲ့ခြင်းဖြစ်ပြီး ထိုနေရာကို ဆက်လက်တူးဖော်ရာမှ ရတနာပစ္စည်းများ ထပ်မံတွေ့ရှိခဲ့ခြင်း ဖြစ်သည်။
“ကလေးတွေက ဘောလုံးကန်ရင်း ငွေဒင်္ဂါး စတွေ့တာကနေ ဆက်တူးတော့ ပစ္စည်းတွေ ဆက်တွေ့တာလို့ ပြောပါတယ်” ဟု ဒေသခံသတင်းရင်းမြစ်တစ်ခုက ဧရာဝတီတိုင်းမ်ကို ပြောသည်။
တူးဖော်ရရှိသည့် ပစ္စည်းများထဲတွင် ၁ လက်မခန့်ရှိ ကျောက်စိမ်းတစ်တုံး၊ ရွှေပုရပိုက် တစ်ခု၊ ရွှေလက်စွပ် သုံး ကွင်း၊ ရွှေအပိုင်းအစအချို့နှင့် ရခိုင်ဘုရင်များဖြစ်သော စန္ဒသုဓမ္မရာဇာ (ရခိုင်သက္ကရာဇ် ၁၀၁၄-၁၀၃၆) နှင့် နရပတိကြီး (ရခိုင်သက္ကရာဇ် ၁၀၀၀) တို့၏ ဘွဲ့အမည်များပါရှိသော ငွေအစစ်ဒင်္ဂါး ၁၅၀ ခန့် ပါဝင်ကြောင်း Arakan Bay News (ABN) တွင် ဖော်ပြထားသည်။
၁လက်မခန့်ရှိ ကျောက်စိမ်း၁တုံး၊ ရွှေပုရပိုက် ၁ခု၊ ရွှေလက်စွပ် ၃ကွင်း၊ ရွှေအပိုင်းအစအချို့နှင့် ရခိုင်ဘုရင်များဖြစ်သော စန္ဒသုဓမ္မရာဇာနှင့် နရပတိကြီး နာမည်များပါသော ရွှေဒင်္ဂါး ၁၅၀တို့ကို တူးဖော် ရရှိခဲ့ကြောင်း Arakan Bay News (ABN)က ဖော်ပြသည်။
ထိုသို့ ရှေးဟောင်းရတနာများ တွေ့ရှိခဲ့သည့်နေရာကို အာရက္ခအစိုးရ (ULA/AA) ၏ တရားဥပဒေ စိုးမိုးရေးနှင့် ပြည်သူ့ဝန်ဆောင်မှုလုပ်ငန်းအဖွဲ့ (DLEPS) က စနစ်တကျ စောင့်ကြပ်ထိန်းသိမ်း ထားရှိကြောင်း သိရသည်။
မြောက်ဦးမြို့တွင် မကြာသေးမီကလည်း ယတြာခေါင်းလောင်းတစ်ခုကို တွေ့ရှိခဲ့ပြီးနောက် မြေပြင်တွင် ရှိနေသည့် သမိုင်းအထောက်အထားများကို ဝိုင်းဝန်းရှာဖွေဖော်ထုတ်ကြရန် အာရက္ခတပ်တော် (AA) က တိုက်တွန်းနှိုးဆော်ထားသည်။
ဓာတ်ပုံ – Arakan Bay News (ABN) ပုံစာ – မြောက်ဦးတွင် တွေ့ရှိရသော ရှေးဟောင်းရတနာများနှင့် ငွေဒင်္ဂါးများ
