ဧရာဝတီတိုင်းမ်
(ဒီးမော့ဆို)၊ ဩဂုတ် ၃၁ ရက်
ကရင်နီပြည်နယ်၊ ဒီးမော့ဆိုမြို့နယ်၊ ငွေတောင်ရွာသစ်တွင် တပ်စွဲထားသည့် စစ်ကော်မရှင် တပ်ဖွဲ့ဝင်များကို ပြီးခဲ့သည့် ဩဂုတ် ၂၉ ရက်နေ့တွင် ကရင်နီတော်လှန်ရေးတပ်ဖွဲ့ဝင်များက ဝင်ရောက် တိုက်ခိုက်ခဲ့ကြောင်း သိရသည်။
စစ်ကော်မရှင် တပ်သား ၁၀၀ ကျော်တပ်စွဲထားသည့် တပ်စခန်းကို ဝင်ရောက်တိုက်ခဲ့ရာ တပ်ဖွဲ့ဝင် ၁၅ ဦးထက်မနည်း သေဆုံးခဲ့ပြီး ၃၀ ဦးကျော်ထိခိုက်ဒဏ်ရာရရှိခဲ့ကြောင်း သိရသည်။
ထို့ပြင် အဆိုပါတပ်ဖွဲ့ဝင်များထံမှ MA-1 လေးလက်၊ MA-2 တစ် လက်၊ MA-3 တစ်လက် စုစုပေါင်း သေနတ် ခြောက်လက်နှင့် ခဲယမ်းအချို့ကို သိမ်းဆည်းရရှိခဲ့ကြောင်းလည်း သိရသည်။
တိုက်ပွဲအတွင်း ကရင်နီတော်လှန်ရေးတပ်ဖွဲ့များဘက်မှ နှစ်ဦးထိခိုက်ဒဏ်ရာရရှိခဲ့ပြီး တော်လှန်ရေး တပ်ပေါင်းစု၏ တိုက်ခိုက်မှုများကြောင့် ဒီးမော့ဆိုမှ ဖရူဆိုသို့ ဦးတည်လာခဲ့သည့် စစ်ကော်မရှင် စစ်ကြောင်းကို စစ်ဦးချိုးအထိနာသည်အထိ တိုက်ခိုက်ထားနိုင်ကြောင်းလည်း သိရသည်။
ယခု တိုက်ခိုက်မှုကို ရှမ်းတောင်၊ ကရင်နီ စစ်တိုင်းဗျူဟာ(၁၁) နှင့် ကရင်နီတပ်ပေါင်းစုများဖြစ်သည့် ရှမ်းတောင် ဒရုန်းတပ်ဖွဲ့၊ ဗျူဟာ(၁၁) ဒရုန်းတပ်ဖွဲ့၊ DMO Local ဒရုန်းတပ်ဖွဲ့၊ UAV ဒရုန်းတပ်ဖွဲ့ နှင့် KNA ဒရုန်းတပ်ဖွဲ့တို့ ပူးပေါင်းတိုက်ခိုက်ခဲ့ကြောင်း သိရသည်။
ဓာတ်ပုံ – Demawso PDF-1102
