ဧရာဝတီတိုင်းမ်
ဩဂုတ် ၃၀ ရက်
ဆန္ဒပြသူတွေက ဒေသဆိုင်ရာ လွှတ်တော်အဆောက်အအုံတစ်လုံးကို မီးရှို့ပြီးနောက် လူသုံးဉီး သေဆုံးကာ ငါးဉီး ဒဏ်ရာရရှိခဲ့ကြောင်း အင်ဒိုနီးရှား အာဏာပိုင်တွေက ယနေ့ ပြောပါတယ်။
ဆန္ဒပြပွဲဟာ သမ္မတ ပရာဘိုဝိုဆူဘီယန်တိုအစိုးရအတွက် ပထမဆုံး စမ်းသပ်မှု ဖြစ်လာပါတယ်။ တောင်ပိုင်းဆူလာဝေစီပြည်နယ်ရဲ့မြို့တော် မာကက်ဆာမြို့မှာ ဆန္ဒပြပွဲအတွင်း လူသေဆုံးမှုတွေကို အင် ဒိုနီးရှား ဘေးအန္တရာယ်ကယ်ဆယ်ရေးအေဂျင်စီက ထုတ်ပြန်ချက်အတွင်း အသေးစိတ်မဖော်ပြပါဘူး။
သေဆုံးသူတွေဟာ မီးလောင် အဆောက်အအုံထဲမှာ ပိတ်မိခဲ့သူတွေဖြစ်ပြီး အဆောက်အအုံအ ပြင်ဘက်သို့ ခုန်ချမှုကြောင့် နှစ်ဉီး ဒဏ်ရာရရှိခဲ့တယ်လို့ ဘေးအန္တရာယ်ကယ်ဆယ်ရေးအေဂျင်စီက ဆို ပါတယ်။
လွှတ်တော်အမတ်တွေရဲ့ လစာနဲ့ပတ်သက်လို့ ဒီသီတင်းပတ်အတွင်း ဂျကာတာမြို့တော်မှာ ဆန္ဒပြပွဲတွေ စတင်ခဲ့ပြီး မော်တော်ဆိုင်ကယ်သမားတစ်ဉီး ရဲတပ်ဖွဲ့ပိုင် သံချပ်ကာယာဉ်က တိုက်မိပြီး သေဆုံးခဲ့လို့ ဆန္ဒပြပွဲတွေ အရှိန်မြှင့်လာခဲ့ပါတယ်။
အင်ဒိုနီးရှားသမ္မတ ပရာဘိုဝိုက သေဆုံးသူရဲ့နေအိမ်ကို သွားရောက်ကာ ဝမ်းနည်းစကား ပြော ကြားခဲ့ပြီး သေဆုံးမှုအတွက် စုံစမ်းစစ်ဆေးမှုပြုလုပ်ဖို့ ကတိပြုခဲ့ပါတယ်။
ဂျကတာမြို့တော်မှာ လုယက်မှုတွေ မြင့်တက်လာပြီး သယ်ယူပို့ဆောင်ရေး အဆောက်အအုံတွေ ထိခိုက်ခဲ့တဲ့အပြင် ဘန်ဒေါင်းနှင့် ယိုဂျာကာတာမြို့တွေမှာ ဆန္ဒပြပွဲတွေ ဖြစ်ပွားခဲ့ပါတယ်။
ကိုးကား – Reuters
Ref; Three dead as Indonesian protesters set fire to regional parliament building
