ဧရာဝတီတ်ိုင်းမ်
ဩဂုတ် ၁၇ ရက်
စစ်က်ုင်းတိုင်း၊ ကန့်ဘလူမြို့နယ်၊ ဇီးကုန်းမြို့တွင် ဒီကနေ့ မနက် ၆ နာရီဝန်းကျင်က လက်ဖက်ရည်ဆိုင်ထိုင်နေတဲ့ ပျူစောထီးခေါင်းဆောင် ညိုဝင်းနိုင်(ခ)ငရွှီးကို အမည်မသိလက်နက်ကိုင်အချို့က
သေနတ်နဲ့ ဝင်ရောက်ပစ်ခတ်သွားတယ် လို့ ဒေသခံတွေထံက သိရပါတယ်။
“ဒီနေ့မနက် အစောကြီးသေနတ်သံတွေကြားလိုက်ပြီး သိပ်မကြာဘူး စစ်တပ်က လူတွေရောက်လာကြတော့ အပြင်လဲထွက်မကြည့်ကြဘူး။ အနီးကပ်တေ့ပစ်တော့ ဆီးခုံကိုမှန်သွားတယ်လို့ပြောတယ်။သူနဲ့လိုက်လာတဲ့သူလဲ အပစ်ခံရသေးတယ် မြို့ပေါ်မှာလည်းအရမ်းဆိုးတဲ့သူ သေနတ်ကလဲရှ်ိနေတော့ လူတကာကိုဗိုလ်လုပ်နေတာ။ ဒါကြောင့်လဲ အသတ်ခံရတာ” လို့ ဇီးကုန်းမြို့ခံတဦးက ဧရာဝတီတိုင်းမ်ကို ပြောပါတယ်။
ဒါ့အပြင် ပျူစောထီးခေါင်းဆောင် ညိုဝင်းနိုင် (ခ) ငရွှီးကို နဲ့အတူပါလာသူ တဦးမှာလည်း ကျည်ထိမှန်ကာ ၎င်းတို့နှစ်ဦးကို ကန့်ဘလူဆေးရုံသို့ ခေါ်ဆောင်သွားတယ် လို့ ဒေသခံတွေကဆိုပါတယ်။
ပစ်ခတ်ခံရတဲ့ ပျူစောထီးခေါင်ဆောင် ငရွှီး မှာ ဒီကနေ့သြဂုလ်လ ၁၇ ရက်နေ့ နေ့လည်ပိုင်းမှာပဲ ကန့်ဘလူဆေးရုံကြီးမှာ သွေးထွက်လွန် သေဆုံးသွားပြီး သူ့ရဲ့ရုပ်အလောင်းကို နေအိမ်ကို ပြန်သယ်လာတယ်လို့ ဒေသခံတွေဆီက သိရပါတယ်။
ပျူစောထီးခေါင်းဆောင် ငရွှီး ပစ်ခတ်ခံရပြီးနောက်ပိုင်း ဇီးကုန်းမြို့အတွင်း ရှာဖွေစစ်ဆေးမှုတွေ ပြုလုပ်နေပြီး စစ်ကောင်စီတပ်တွေနဲ့ပျူစောထီးပူပေါင်းအင်အား ၃၀ ကျော်နဲ့ အင်အားတိုးချဲ့ကာ မြို့လမ်းတစ်လျှောက် အစောင့်တွေချထားတယ် လို့ ဒေသခံတွေဆီက သိရပါတယ်။
