ဧရာဝတီတိုင်းမ်
နိုဝင်ဘာ ၆ ရက်
ဧရာ၀တီတိုင်း၊ ပုသိမ် – မော်တင်ကားလမ်းပေါ်တွင် နို၀င်ဘာ ၆ ရက်နေ့နံနက်ပိုင်းက ကထိန်ပဒေသာပင်လှည့်သော သုံးဘီးယာဥ်တစ်စီး တိမ်းမှောက်ခဲ့သည့်အတွက် လိုက်ပါလာသူ ၁၇ ဦး ဒဏ်ရာရရှိခဲ့ကြောင်း သိရသည်။
ပုသိမ်-မော်တင်ကားလမ်းမိုင်တိုင်(၁၆)ပုသိမ်မြို့မှ ကထိန်ပဒေသာပင် တင်ဆောင်လာသော သုံးဘီးယာဥ်တိမ်းမှောက်ကြောင်းသတင်းရရှိသဖြင့်သွားရောက်ကူညီခဲ့ရကြောင်း လူမှုကူညီရေးအဖွဲ့များထံမှသိရှိရသည်။
” သုံးဘီးယာဥ်နဲ့ ကထိန်ပဒေသာပင်တွေတင်ပြီး ကုန်းကိုတက်တဲ့အချိန်မှာ ဘီးပေါက်ပြီး လမ်းဘေးကိုထိုးဆင်းသွားတာပါ။ လူအသေအပျောက်တော့မရှိဘူး “ဟု လူမှုကူညီရေးအဖွဲ့၀င်တစ်ဦးက ဧရာ၀တီတိုင်းမ်ကိုပြောသည်။
ယာဥ်တိမ်းမှောက်မှု တွင် ပဒေသာပင် လိုက်ပါပို့ဆောင်သူ အမျိုးသား(၁၇)ဦး ဒဏ်ရာများရရှိသွားပြီး အဆိုပါ ဒဏ်ရာရရှိသူများကို ပုသိမ်ဆေးရုံကြီးသို့ လူမှုကူညီရေးအဖွဲ့များမှ ပို့ဆောင်ပေးခဲ့ကြောင်း သိရှိရသည်။
#ပုသိမ် #မော်တင်ကားလမ်း #ကထိန်လှည့် #သုံးဘီးယာဉ်#တိမ်းမှောက် #၁၇ဦးဒဏ်ရာရ #Ayeyarwaddy_Times
