ပလက်ဝ​ဒေသတစ်ခုလုံးကို ရက္ခိုင့်တပ်​တော်(အေအေ) သိမ်းပိုက်နိုင်ခဲ့

ဧရာဝတီတိုင်းမ်
ဇန်နဝါရီ ၁၅ ရက်

ချင်းပြည်နယ်၊ ပလက်ဝ​ဒေသရှိ စစ်​ကောင်စီ၏ စစ်စခန်းအားလုံးကို ရက္ခိုင့်တပ်​တော်(အေအေ) က ​တိုက်ထုတ်နိုင်ခဲ့ပြီး ပလက်ဝ​ဒေသတစ်ခုလုံးကို​ အောင်မြင်စွာထိန်းချုပ်နိုင်ပြီဖြစ်​ကြောင်းသိရသည်။

ပလက်ဝ​ဒေသအတွင်း ​နောက်ဆုံးကျန်ရှိ​နေ​သည့် စစ်​ကောင်စီ၏ နှမဒါဗျူဟာစခန်းကို ရက္ခိုင့်တပ်​တော်(အေအေ)က ဇန်နဝါရီ ၁၄ ရက်​နေ့ ​နေ့လယ် ၃ နာရီတွင် သိမ်းယူနိုင်ခဲ့ပြီး ပလက်ဝ​ဒေသတစ်ခုလုံး စစ်​ကောင်စီကင်းစင်နယ်​မြေ ဖြစ်သွားပြီဖြစ်​ကြောင်း ရက္ခိုင့်တပ်​တော်(အေအေ) ကထုတ်ပြန်ထားသည်။

စစ်​ကောင်စီ၏ အဓိကနှင့်အမာခံ ဗျူဟာစခန်းကြီးဖြစ်သည့် ခလရ ၂၈၉ တပ်ရင်းဌာနချုပ်ကို ရက္ခိုင့်တပ်တော်(အေအေ) ကသိမ်းယူပြီး​နောက် ကျန်သည့် ဗျူဟာစခန်းများ၊ ဗျူဟာကုန်းများကို အပြင်းအထန်ထိုးစစ်ဆင်၍ အပြီးတိုင် တိုက်ခိုက်သိမ်းယူနိုင်ခဲ့ခြင်းဖြစ်​ကြောင်း သိရသည်။

အဆိုပါ စစ်​ကောင်စီ၏ ခလရ ၂၈၉ တပ်ရင်းဌာနချုပ်သည် ပလက်ဝ​ဒေသတစ်ခုလုံး၏ စစ်ဆင်​ရေးကို စီမံကွပ်ကဲထိန်းချုပ်​နေသည့် ဌာနချုပ်ဖြစ်ပြီး အိန္ဒိယ- ဘင်္ဂလား​ဒေ့ရှ်- မြန်မာ(ပလက်ဝ) နယ်စပ်တစ်​လျောက် စစ်​ကောင်စီစခန်းများကို ​ထောက်ပို့ကူညီ​နေသည့် အဓိက​ထောက်ပို့ ဗျူဟာစစ်စခန်းဖြစ်သည့်အတွက် ၎င်းတပ်ရင်းဌာနချုပ်ကို ရရှိလိုက်ခြင်းသည် ပလက်ဝ​ဒေသကို စစ်​ရေးအရ ထိန်းချုပ်သွားနိုင်ခြင်းဖြစ်​ကြောင်းသိရသည်။

ထို့အပြင် ပလက်ဝနှင့် ​ကျောက်​တော်အစပ်ရှိ မီးဝဗျူဟာကုန်းကိုလည်း ရက္ခိုင့်တပ်တော်(အေအေ) ကသိမ်းပိုက်နိုင်ခဲ့သည့်အတွက် ​ကျောက်​တော်မြို့တွင်းရှိ အ​မြောက်တပ် အမတ ၃၇၇ ကိုပါ တစ်စပ်တည်း သိမ်းယူနိုခဲ့​ကြောင်းသိရသည်။

ပလက်ဝရှိ စစ်​ကောင်စီတပ်စခန်းများကို သိမ်းယူပြီး​နောက် မြို့အတွင်းရှိ စစ်​ကောင်စီလက်​အောက်ခံဌာနဆိုင်ရာများကိုလည်း ထိန်းချုပ်ပြီး ပလက်ဝ​ဒေသတစ်ခုလုံးစစ်​ကောင်စီ၏ အုပ်ချုပ်​ရေး ယန္တရားနှင့် အာဏာစက် လုံးဝချုပ်ငြိမ်းသွားပြီဖြစ်​ကြောင်းသိရသည်။

#ပလက်ဝမြို့ #ရက္ခိုင့်တပ်​တော်(အေအေ) #အလုံးစုံထိန်းချုပ် #စစ်​ကောင်စီတပ်စခန်းများ #သိမ်းပိုက်ခံရ
Ayeyarwaddy_Times