ဧရာဝတီတိုင်းမ်
(ရေး)၊ ဖေဖော်ဝါရီလ ၁၉ ရက်
မွန်ပြည်နယ်၊ ရေးမြို့နယ်ရှိ ရေးတံတားကြီးစစ်ဆေးရေးဂိတ်စခန်းအား ယနေ့ဖေဖော်ဝါရီလ ၁၉ ရက် နံနက်အစောပိုင်းအချိန်တွင် ဝင်ရောက်တိုက်ခိုက်ခဲ့ပြီး စခန်းသိမ်းနိုင်ခဲ့ကြောင်း YEဘီးလူး အဖွဲ့ထံမှ သိရသည်။
ရေး-ထားဝယ် ကားလမ်းမပေါ်ရှိ ရေးတံတားကြီးစစ်ဆေးရေးဂိတ်မှာ စစ်ကောင်စီတပ်များတပ်စွဲထားရာ စခန်းတစ်ခုဖြစ်ပြီး YEဘီလူးအဖွဲ့မှ ယနေ့တွင်တိုက်ခိုက်နိုင်ခဲ့ကြောင်း သိရသည်။
“စခန်းသိမ်းနိုင်တယ်လို့ သတင်းကြားတယ်။ ရဲ၂ ယောက်ထိတယ်။ စစ်မှုထမ်းဟောင်းအစောင့် အဖိုးကြီးတစ်ယောက်လည်း ထိတယ်လို့သိရတယ်။ သေချာတော့မသိရသေးဘူး။” ဟု အသက် ၄၀ ဝန်းကျင် ရေးဒေသခံအမျိုးသားတစ်ဦးမှ ဧရာဝတီတိုင်းမ်ကို ပြောသည်။
အဆိုပါတိုက်ပွဲအတွင်း စစ်ကောင်စီဘက်မှ ထိခိုက်ကျဆုံးမှုနှင့် အသေးစိတ်အခြေနေအား ဧရာဝတီတိုင်းမ်အနေနှင့် ဆက်လက်အတည်ပြုနေပြီး ရရှိလာသည့် သတင်းအချက်လက်များအား ဆက်လက်ဖော်ပြသွားမည်ဖြစ်သည်။
