ဧရာဝတီတိုင်းမ်
ဖေဖော်ဝါရီလ ၁၇ ရက်
ဧရာဝတီတိုင်းအပါအဝင် မြန်မာနိုင်ငံအတွင်းက တိုင်းနှင့် ပြည်နယ်အများစုမှာ အချိန်အခါမဟုတ် မိုးရွာနိုင်တယ်လို့ မိုးလေဝသနဲ့ဇလဗေဒညွန်ကြားမှုဦးစီးဌာနက ဖေဖော်ဝါရီလ ၁၇ ရက်နေ့ ဒီနေ့ မနက်ပိုင်းမှာ သတိပေးထုတ်ပြန်ထားပါတယ်။
ရှမ်းပြည်နယ်(တောင်ပိုင်းနှင့် အရှေ့ပိုင်း)နှင့် ကယားပြည်နယ်တို့မှာ နေရာခပ်စိပ်စိပ် ရွာသွန်းနိုင်တယ်လို့ ဆိုပါတယ်။
နေပြည်တော်၊ ပဲခူး၊ ရန်ကုန်၊ ဧရာဝတီ၊ တနင်္သါရီ၊ ရှမ်း(မြောက်)၊ ကရင်နဲ့ မွန်ပြည်နယ်တို့မှာ နေရာကျဲကျဲ မိုးထစ်ချုန်းရွာမယ်လို့ ထုတ်ပြန်ချက်အရ သိရပါတယ်။
မန္တလေး၊ ကချင်နဲ့ ရခိုင်ပြည်နယ်တို့မှာတော့ နေရာကွက်ပြီး မိုးထစ်ချုန်းရွာနိုင်သလို ရွာရန်ရာနှုန်းကတော့ ၈၀ ဖြစ်တယ်လို့ ဆိုပါတယ်။
ဧရာဝတီတိုင်းအတွင်းက မြို့နယ်တချို့မှာတော့ ဖေဖော်ဝါရီလ ၁၆ ရက်နေ့က နေရာကွက်ကြား မိုးရွာသွန်းတာတွေရှိခဲ့တယ်လို့ ဒေသခံတွေဆီက သိရပါတယ်။
ဧရာ၀တီတိုင်း အတွင်းမှာရှိတဲ့ စိုက်ပျိုးရေးလုပ်ကိုင်နေသူဒေသခံများနဲ့ အခြားတိုင်းနှင့် ပြည်နယ်များမှာရှိတဲ့ စိုက်ပျိုးလုပ်ကိုင်နေသူများအနေနဲ့ ရာသီဥတုအခြေအနေအချိန်အခါကို သတိပြုနိုင်ရန်အတွက် ဧရာ၀တီတိုင်းမ်သတင်းဌာနမှ အသိပေးအပ်ခြင်း ဖြစ်ပါတယ်။
