စစ်တပ်က ‎ကျောက်တော်နှင့် မြောက်ဦးကို တိုက်လေယာဉ်အုပ်လိုက်ဖြင့် ဗုံးလာကြဲနေ

‎ဧရာဝတီတိုင်းမ်
‎ဇူလိုင် ၂၀ရက်
‎
‎ရခိုင်ပြည်နယ်၊ ကျောက်တော်နှင့်မြောက်ဦးရှိ ကျေးရွာများကို ရွေးတုအစိုးရစစ်တပ်က ဂျက်ဖိုက်တာ အုပ်လိုက်နှင့် Y-12 လေယာဉ်များသုံး၍ ဗုံးအလုံးရေအမြောက်အမြား ကြဲချတိုက်ခိုက်ခဲ့ ကြောင်း သိရသည်။
‎
‎ယနေ့ ဇူလိုင် ၂၀ရက် နေ့လယ် ၂ နာရီကျော်ခန့်မှစတင်ကာ ကျော်တော်မြို့နယ် ဇီးချောင်းဆည် ဝန်းကျင်နှင့် မြောက်ဦးရှိ ကျောက်ဆည်ပြင်၊ ကျောက်ကျပ်ရွာအနီးတို့ကို တစ်နာရီခန့်ကြာသည်အထိ ဗုံးအလုံးရေ ဆယ်ချီဖြင့် လာရောက်ကြဲချတိုက်ခိုက်ခဲ့ကြောင်း ဒေသတွင်း သတင်းရင်းမြစ်များထံမှ သိရသည်။
‎
ရွေးတုအစိုးရ ‎စစ်တပ်သည် ဂျက်ဖိုက်တာသုံးစင်း၊ Y 12တစ်စီးတို့ဖြင့် ဗုံးအလုံးရေ ၅၀ ခန့်ကို လှည့်ပတ်ကြဲချတိုက်ခိုက်ခဲ့ပြီး အဆိုပါ လေယာဉ်အုပ်စုမှာ တံတားဦးနှင့် နေပြည်တော်လေတပ်တို့မှ တက်လာကြောင်း လေကြောင်းသတိပေး ဝေဟင်ကလည်း အသိပေးထားသည်။
‎
‎”လေယာဉ်တွေဝဲတက်လာကတည်းက ဒေသခံတွေအကုန်ပုန်းကြတာ။ ဘယ်ကိုကြဲမယ်မသိပေမယ့် လေ ကြောင်း အသိကရှိနေပြီ။ သေတာလည်းများခဲ့ပြီလေ။ အခုကြဲတာတော့ ဘယ်လောက်ထိတယ် တော့ မသိရသေးဘူး” ဟု သတင်းရင်းမြစ်က ဧရာဝတီတိုင်းမ်ကို ပြောသည်။
‎
‎စစ်တပ်သည် အာရက္ခတပ်တော် (AA) ထိန်းချုပ်နယ်မြေများကို နေ့စဉ်နီးပါး ဗုံးကြဲတိုက်ခိုက်မှုများ ပြုလုပ်ထားပြီး ယမန်နေ့ အာဇာနည်နေ့တွင်ပင် ရခိုင်ပြည်နယ်ရှိ မြို့သုံးမြို့ကို ဗုံးပတ်ကြဲခဲ့သည်။
‎
‎အဆိုပါ ဗုံးကြဲတိုက်ခိုက်မှုကြောင့် မအီ၊ သံတွဲနှင့် ပုဏ္ဏားကျွန်းမြို့နယ်တို့မှ အရပ်သား ငါးဦးသေဆုံးပြီး ၂၇ဦးဒဏ်ရာရရှိခဲ့ကြောင်း AA က ထုတ်ပြန်ထားသည်။
‎
ဓာတ်ပုံ-လူမှုကွန်ရက်