ဧရာဝတီတိုင်းမ်
နိုဝင်ဘာ ၂၉ ရက်
မြန်မာနိုင်ငံမှ ထွက်ပြေးလာသူတွေအတွက် ယာယီနေထိုင်ခွင့် (TPS) ဖျက်သိမ်းတဲ့ အမေရိကန် အစိုးရရဲ့ ဆုံးဖြတ်ချက်ကို မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အစီရင်ခံစာတင်ပြသူ သော မတ်အန်ဒရူးက ရှုတ်ချခဲ့ပြီး အခြေခံအခွင့်အရေးတွေအပေါ် တိုက်ရိုက် တိုက်ခိုက်မှုလို့ ပြောကြားလိုက်ပါ တယ်။
ဒီဆုံးဖြတ်ချက်ဟာ လူ့အခွင့်အရေးနဲ့ မြန်မာအကျပ်အတည်းကို လျစ်လျူရှုတဲ့ ရက်စက်သော ထိုး ဇာတ်ကို အခြေခံတဲ့ လူမှုရေးကျင့်ဝတ်အပေါ် တိုက်ခိုက်မှုဖြစ်တယ်လို့ ၎င်းက ထုတ်ပြန်ချက်တစ်ခုအ တွင်း ပြောပါတယ်။
“အမေရိကန်အစိုးရရဲ့ ဆုံးဖြတ်ချက်ကြောင့် လူထောင်ချီ အန္တရာယ်ရှိလာနိုင်ပြီး စစ်ကော်မရှင်ကို လက်နက်အားကိုးနဲ့ အရပ်သားတွေအပေါ် တိုက်ခိုက်ဖို့ တရားဝင်ခွင့်ပြုလိုက်တာပါ” လို့ သူက ဆိုပါ တယ်။
ဇန်နဝါရီလ ၂၆ ရက်မှာ မြန်မာနိုင်ငံသားတွေအတွက် ယာယီနေထိုင်ခွင့် (TPS) ကုန်ဆုံးမယ်လို့ အမေရိကန် အမိမြေလုံခြုံရေးဝန်ကြီးဌာနက ကြေညာခဲ့ရာ လူ ၄၀၀၀ နီးပါး သက်ရောက်မှုရှိလာမှာပါ။
မြန်မာနိုင်ငံရဲ့အခြေအနေဟာ မြန်မာနိုင်ငံသားတွေ ပြည်တော်ပြန်ဖို့ အဟန့်အတားမဖြစ်တော့ ဘူးလို့ အမိမြေလုံခြုံရေးဝန်ကြီး ခရစ္စတီနိုအမ်က ပြောပါတယ်။
မြန်မာစစ်ကော်မရှင်ရဲ့ အတုအယောင်ရွေးကောက်ပွဲဟာ စစ်အုပ်ချုပ်ရေး အမြစ်တွယ်ဖို့ထက် မပို ဘူးလို့ အန်ဒရူးက ပြောပါတယ်။
ယာယီနေထိုင်ခွင့်ရသူတွေ ပြည်တော်ပြန်ပါက ဖမ်းဆီးမှု၊ နှိပ်စက်မှုနဲ့ ကွက်မျက်မှုခံရနိုင်တဲ့ တက် ကြွလှုပ်ရှားသူတွေ၊ သတင်းထောက်တွေနဲ့ အတိုက်အခံတွေဖြစ်တယ်လို့ ၎င်းက သတိပေးပါတယ်။
“မြန်မာကို ဒီမိုကရေစီနဲ့ လူ့အခွင့်အရေး လေးစားသမှုရှိတဲ့ နိုင်ငံတစ်ခုအဖြစ် တည်ဆောက်မယ့် သူတွေကို ကာကွယ်ပေးဖို့က အမေရိကန်နိုင်ငံရဲ့ အမျိုးသား အကျိုးစီးပွားဖြစ်ပြီး နိုင်ငံတကာတာဝန်နဲ့ ကိုက်ညီပါတယ်” လို့ သူက ဆက်ပြောပါတယ်။
ကိုးကား – Anadolu
Ref; UN expert slams US move to end deportation protection for Myanmar nationals as ‘an assault on human rights’
